داۋرەن ابايەۆ: مينيستر ب ا ق- تان قاشىپ جۇرەتىن ۋاقىت ءوتىپ بارادى
دەپ حابارلايدى قازاقپارات ءتىلشىسى.
«حانىمدار مەن مىرزالار، مەملەكەتتىك ورگانداردىڭ جابىق بولعان مەزگىلى ءوتىپ بارادى دەپ سىزدەردى سەندىرە الامىن. سىزدەر دە، بىزدەر دە قازىرگى ۋاقىتتا مەملەكەتتىك ورگانداردىڭ تيىمدىلىگى ونىڭ ب ا ق- پەن بايلانىسىمەن انىقتالاتىن بولاتىنىن جاقسى تۇسىنەمىز. بۇل - قازىرگى ۋاقىتتا بار مىندەتتى تالاپ. سوندىقتان، مەمورگان جابىق بولعان، ءمينيستردىڭ جابىق بولعان ۋاقىتتارى ءوتىپ بارادى. بۇل - قالىپتى ءۇردىس»، - دەدى « Media قۇرىلتاي - 2016» اياسىندا جاڭا ب ا ق تۋرالى جۋرناليستەر سۇراعىنا جاۋاپ بەرگەن داۋرەن ابايەۆ.
ونىڭ ايتۋىنشا، كەلەسى جىلى مەديا نارىق جانە ونىڭ قاتىسۋشىلارى تۋرالى اقپارات جارىققا شىعادى.
«ەشتەڭە دە قۇپيا ەمەس. ءبىز قانشا ب ا ق بار ەكەنىن، قايسىسى قاي سالادا جۇمىس جاسايتىنىن جاقسى بىلەمىز. ءبىز دە، سىزدەر دە بىزدەگى سان جاعىنان كوپ ب ا ق- تىڭ جارتىسى جۇمىس ىستەمەيتىنىن نەمەسە تەك قاعاز جۇزىنە عانا بار ەكەنىن بىلەمىز»، - دەدى ءسوزىن قورىتىندىلاعان مينيستر.
سونداي- اق، مينيستر قۇرىلتايدا مەديا نارىق قاتىسۋشىلارىنىڭ جاڭا ب ا ق تۋرالى زاڭدا كورسەتىلگەن رەداكسيانىڭ مەنشىك يەسىنە تاۋەلدىلىگى تۋرالى ماسەلەسىنە قاتىستى ۇسىنىستارىنا دا جاۋاپ بەرە كەتتى. «ءبىز ۇسىنىستاردى قابىلداۋعا دايىنبىز. ويلانايىق، سىزدەر بىزگە رەداكسيانىڭ مەنشىك يەسىنەن تاۋەلسىز بولۋى تۋرالى ويلارىڭىزدى بەرىڭىزدەر»، - دەدى مينيستر.
اۆتور: الماس مۇقاش
