ارمان وسپانوۆ ا ق ش- تا اتوي سالماق
دەپ حابارلايدى، قازاقپارات ءتىلشىسى.
«سۇڭقار» دەگەن لاقاپ اتپەن تانىمال بولعان باۋىرىمىز ءبىر سپورت ءتۇرىن عانا ەمەس، جاۋىنگەرلىك سامبو، ەرەجەسىز جەكپە- جەك پەن دجيۋ- دجيسۋدى دا تەرەڭ مەڭگەرگەن سپورتشى.
جاۋىنگەرلىك سامبودان وتكەن الەم چەمپيوناتىنىڭ ءۇش دۇركىن چەمپيونى اتانسا، دجيۋ- دجيسۋدەن ازيا بىرىنشىلىگىندە دە بىرنەشە مارتە جەڭىس تۇعىرىنىڭ ەڭ بيىك ساتىسىنان كورىنگەن. ال «الاش پرايد» كلۋبىندا ەرەجەسىز جەكپە- جەكتەن كوپتەگەن اسا ءىرى حالىقارالىق تۋرنيرلەردە توپ جاردى. ول 1989 -جىلدىڭ 7 - جەلتوقسانىندا وڭتۇستىك قازاقستان وبلىسى تولە بي اۋدانىندا دۇنيەگە كەلگەن. ارمان وسپانوۆ سپورت تابالدىرىعىن سامبو مەن دزيۋدودان باستاپ، كەيىن ەرەجەسىز جەكپە- جەككە ءبىر جولا بەت بۇردى.
ول وسىعان دەيىن كوپتەگەن جاتتىعۋلارىن ا ق ش- تاعى ايگىلى گرەگ دجەكسوننىڭ زالىندا جاتتىققان بولاتىن. ەندى، وسپانوۆ ا ق ش- تاعى ايگىلى WSOF ۇيىمىمەن كەلىسىمشارتقا وتىردى. بۇل ا ق ش- تاعى ەڭ بەدەلدى ۇيىمداردىڭ ءبىرى. بۇگىنگى تاڭدا ءوزىنىڭ بەدەلى جاعىنان ولار Bellator نۇسقاسىنان ەش كەم تۇسپەيدى. جانە دە ولاردىڭ UFC مەن WSOF اراسىندا ىسكەرلىك جانە دوستىق قارىم- قاتىناس ورناعان. سوندىقتان باۋىرىمىزدىڭ بۇل ۇيىمعا كەلىسىمشارتقا وتىرۋىنداعى ماقساتى وسى ۇيىمدا ونەر كورسەتە ءجۇرىپ، ءوزىنىڭ مىقتىلىعىن مويىنداتۋ.
