كۇتپەگەن جەردەن اۋىل تويىنا كەلگەن وبىلىس اكىمى كوپشىلىكتى تاڭ قالدىردى

 دەپ حابارلايدى NUR. KZ پورتالىنىڭ وڭىردەگى ءتىلشىسى.

جانسەيىت تۇيمەبايەۆ وڭتۇستىك قازاقستان وبلىسىنا قاراستى ماقتارال اۋدانىنا رەسمي ىسساپارمەن بارىپ، جەرگىلىكتى احۋالمەن تانىستى. ەراليەۆ اۋىلدىق وكرۋگى، سەيفۋللين اۋىلىنىڭ حالقىمەن تىلدەسىپ، تىلەك- ۇسىنىستارىن تىڭدادى. ءبىر قىزىعى ايماق باسشىسىنىڭ اۋىلعا جاساعان ساپارىندا جەرگىلىكتى تۇرعىندار قۋانىشقا كەنەلدى.

ياعني، اۋىل تۇرعىندارى عافۋر مەن جۇلدىزايدىڭ شاڭىراق كوتەرگەن تويى بولىپ جاتتى. مۇنى ەستىگەن تۇيمەبايەۆ مىرزا جاس جۇبايلاردىڭ قۋانىشىن ورتاقتاسۋعا بەل بۋىپ، تۋرا توي بولىپ جاتقان ۇيگە كىرىپ باردى. تورگە شىعىپ، شاڭىراق يەلەرىن قۇتتىقتاپ، باقىت تىلەدى.

مۇنان سوڭ اكىم تۇيمەبايەۆ شاڭىراق يەلەرىنە تەلەديدار سىيلادى. ارينە، بۇل سىيلىقتى ايماق باسشىسى اۋىزشا ۋادە ەتتى. سەبەبى بۇل تويعا كىرۋ جوسپاردا بولماعان. مۇنان سوڭ توي يەلەرى وبلىس اكىمىنە العىس رەتىندە شاپان جاۋىپ، تۇيمەبايەۆ باستاعان شىمكەنتتىك قوناقتار كوپشىلىكپەن بىرگە داستارحان باسىنا وتىرىپ، ءدام اۋىز ءتيدى.

https://www.nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى