استانادا قۇرىلىسشىلار اۋدانىن سالۋ جوسپارلانۋدا
«استانا - قۇرىلىسشىلار قالاسى جانە ول قۇرىلىسشىلاردى باسپانامەن قامتۋ وتە وتكىر ماسەلە بولىپ تۇر. بۇگىنگى تاڭدا قالادا قۇرىلىسشىلار تۇراتىن تۇتاس ءبىر اۋداندى ءبولۋ ماسەلەسى قارالۋدا»، - دەدى ەلوردانىڭ قۇرىلىس باسقارماسى باستىعىنىڭ ورىنباسارى ەرجاس ايتۋعانوۆ.
ونىڭ ايتۋىنشا، قۇرىلىسشىلار قازىر نەگىزىنەن سالىنىپ جاتقان نىسانداردا تۇرۋعا ءماجبۇر. ادەتتە ول جەرلەردە قۇرىلىسشىلار ءۇشىن ۋاقىتشا جاتىن ورىندار سالىنادى. بۇگىندە سانيتارلىق قىزمەت ول ورىنداردىڭ زاڭ تالاپتارىنا ساي نەمەسە ساي ەمەستىگىن تەكسەرىپ جاتىر.
«ءبىز قىلمىس ماسەلەسىن بىردەن جابامىز. قۇرىلىسشىلار قالادا ارلى- بەرلى قاڭعىمايتىن بولادى. كەشكە دەيىن جۇمىستارىن ىستەپ، تاڭەرتەڭ قايتا جۇمىس ورىندارىنا ورالادى. ءىرى نىسانداردا بۇل ماسەلە سول جەردە جاتىن ورىنداردى سالۋ ارقىلى شەشىلۋدە»، - دەپ اتاپ ءوتتى ول.
ەگەر اتالمىش ۇسىنىس قابىلداناتىن بولسا، مەملەكەتتەن ەش شىعىن كەتپەيدى.
«بىزگە بيۋدجەت قاراجاتىن شىعىنداۋعا تىيىم سالىنادى، سوندىقتان ءبىزدىڭ الدىمىزعا ينۆەستورلاردى ىزدەۋ مىندەتىن قويادى»، - دەدى ە. ايتۋعانوۆ.
اۆتور: جاسۇلان جولدىبايەۆ
