عالىمدار ۇيىقتار الدىندا سمارتفون پايدالانۋ زياندى ەكەنىن انىقتادى

 زەرتتەۋ اۆتورلارى ۇيىقتار الدىندا سمارتفون پايدالانۋ ۇيقىنىڭ قانباۋىنا جانە ونىڭ ۇزاقتىعىنا اسەر ەتەدى دەپ مالىمدەدى. بۇل تۋرالى The Guardian باسىلىمى جازادى.

زەرتتەۋگە 18 جاستان اسقان 653 امەريكالىق قاتىسقان. ولاردىڭ سمارتفوندارىنا 30 كۇن ىشىندە ەكراننىڭ قوسىلىپ تۇرعانىن تىركەپ وتىراتىن قولدانبا ورناتىلعان. ال ۇيقىنىڭ ساپاسى جونىندەگى دەرەكتەر زەرتتەۋگە قاتىسۋشىلار اراسىندا ساۋالناما بويىنشا جيناقتالعان. ەكسپەريمەنت ناتيجەسى ءار رەسپوندەنتتىڭ تاۋلىگىنە 1 ساعات 29 مينۋت سمارتفون پايدالاناتىنىن كورسەتكەن (ءار ساعاتتا ءۇزىلىسسىز 3,7 مينۋت). ۇيىقتار الدىندا سمارتفون ەكرانىنا كوبىرەك ۇڭىلگەندەردىڭ ءبارى ۇيقىسىنىڭ بۇزىلعانىن، باسقالارعا قاراعاندا جاتقان سوڭ ۇزاق ۋاقىت كوز ىلە الماعانىن مالىمدەگەن.

«ءبىز وسى ارقىلى بايلانىستىڭ ناقتى سەبەپتەرىن دالەلدەي الماساق تا، وسى دەرەكتەر كومەگىمەن ۇيالى تەلەفونعا نەعۇرلىم كوبىرەك ۇڭىلسەڭىز سوعۇرلىم ۇيقىڭىز ناشارلاي تۇسەتىنىنە كوز جەتكىزدىك»، - دەدى زەرتتەۋدىڭ تەڭ اۆتورى گرەگوري ماركۋس.

 جاتار الدىندا سمارتفونعا ارنالعان ءاربىر مينۋت ۇيقىنىڭ ۇزاقتىعىن 5 مينۋتقا ازايتاتىنى بەلگىلى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى