ۇزاق مەرزىمگە ساقتالاتىن پاۆلودارلىق كارتوپقا رەسەيلىكتەر قىزىعۋدا

 دەپ حابارلايدى pavlodarnews.kz.

پاۆلودار اۋدانىنىڭ اكىمى الەكساندر بابەنكونىڭ ايتۋىنشا، بيىل كورشى ەلدىڭ اگرارشىلارى مول ءونىم العان. دەگەنمەن، كارتوپقا ىلعال شامادان تىس ءبولىنىپ، كۇن ساۋلەسى جەتپەگەن جاعدايدا ءونىمنىڭ ساپاسى تومەندەيدى.

«ءبىزدىڭ جەردىڭ قۇنارلىعى جوعارى. ورتاشا ەسەپپەن العاندا توپىراقتىڭ بونيتەتى 11 باللدى قۇرايدى. ماسەلەن، بۇگىن عانا شىعىس قازاقستان وبلىسىنان كەلگەن «اكۋلوۆ» دەگەن ءىرى كاسىپورىن باسشىسىمەن كەزدەستىم. وسىمدىك جانە مال شارۋاشىلىعىمەن اينالىساتىن كاسىپورىن يەسى ول جاقتا توپىراق بونيتەتى 8,3- ءتى قۇرايتىنىن ايتادى. دەمەك، ءبىزدىڭ جەر كارتوپ پەن كوكونىس ءوسىرۋ ءۇشىن وتە قولايلى. بۇعان قوسا، الماتى مەن استانادا كارتوپتى «پاۆلودارلىق» دەپ ساۋدالايدى. سەبەبى، پاۆلودار وبلىسىنىڭ كارتوبى وزىندىك برەند پەن ساپالى ءونىمنىڭ كەپىلى بولادى»، - دەيدى الەكساندر بابەنكو.

اۋدان باسشىسىنىڭ ايتۋىنشا، بيىل كۇزدە اگرارشىلار بىلتىرمەن سالىستىرعاندا مىڭ تونناعا ارتىق ءونىم جيناعان. 2015 -جىلى 103-105 مىڭ توننا كارتوپ الىنعان. وتكەن جىلى كارتوپتىڭ كەلىسى شامامەن 30-40 تەڭگە بولسا، 2016 -جىلى 50-55 تەڭگەنى قۇراعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى