ونيحولوگيا: تىرناعىنا قاراپ ادام تانى

تىرناق اۋرۋ بەلگىلەرىن ءبىز سەزگەننەن الدەقايدا بۇرىن كورسەتەدى. تىرناق كۇيىنىڭ دياگنوستيكاسىمەن اينالىساتىن عىلىم - ونيحولوگيا دەپ اتالادى.

«دەنى ساۋدىڭ - تىرناعى ءبۇتىن»

تىرناقتىڭ بەتىندەگى اق داقتار اعزاداعى سينك پەن كالتسيدىڭ جەتىسپەۋشىلىگىن بىلدىرەدى.

تىرناقتىڭ بەتىندەگى تىك جولاقتار (قاتپارلار) سوزىلمالى قابىنۋ پروتسەسستەرىن نەمەسە ريەۆماتيزمنىڭ باستالعانىن اڭعارتادى. سوزىلمالى وڭكە اۋرۋلارى كەزىندە تىرناق بەتى ءىسىنىپ، دوعالدانادى.

تىرناق ءتۇسى دە ءبىراز جايدى بىلدىرەدى: قان اينالىمى ناشارلاعاندا نەمەسە انەميا كەزىندە كوكشىلدەنەدى، ال سارعىش تارتقان تىرناق ادەتتە باۋىرى اۋىراتىن نەمەسە شىلىم كوپ شەگەتىن ادامداردا بولادى.

ەگەر تىرناق پلاستيناسى قاتپارلانسا، دەمەك سىزگە د ءۆيتامينى، كرەمنيي جانە كالتسيي جەتىسپەيدى.

«تىرناعىنا قاراپ مىنەزىن ءبىل»

تىرناعىنا قاراپ ادام تاعدىرىن ايتپاساڭىز دا، ونىڭ مىنەز قۇلقىن بىلە الاسىز.

تىستەلگەن تىرناقتار مازاسىز، تەز اشۋلانعىش ادامداردا ءجيى كەزدەسەدى.

تىرناق ءپىشىنى ۇزىنشا كەلگەن ادامدار سەنىمسىز، ادەتتە كوپ ويلانادى، شەشىمدى تەز قابىلداي المايدى.

تىرناقتارى قىسقا بولسا، ىشكى تۇيسىگى ەمەس، لوگيكاعا سۇيەنەتىن، سىناۋعا بەيىم ادام دەپ قورىتۋىڭىزعا بولادى.

تىرناعى جالپاق ادامدار باستىق بولۋعا تىرىسادى، داۋلاسۋعا دا دايىن تۇرادى.

ۇشى ۇشكىرلەنىپ، تومەن قاراي مايىسقان تىرناقتار ادامنىڭ ءىشتارلىعى مەن ساراڭدىعىنىڭ بەلگىسى. مۇنداي ادامدار تەك ۇنەمدەپ قانا قويمايدى، تىقاقتاپ، ءبىر جۇمىسىن ورىنداعانشا بايىز تاپپايدى.

تىرناقتىڭ ادەمى بولۋى دەنساۋلىققا بايلانىستى. اۋرۋىن جاسىرعان ولەدى دەمەكشى، جاساندى تىرناق جاساتپاي تۇرىپ، تىرناعىڭىزعا كۇتىم جاساپ كورىڭىز.

arular.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى