ءبىزدىڭ ەسىگىمىز قازاقستاندىقتارعا ءاردايىم اشىق - «نۇر وتان» پارتياسى ءتوراعاسىنىڭ ءبىرىنشى ورىنباسارى
پارتيانىڭ رەسپۋبليكالىق قوعامدىق قابىلداۋىندا وتكەن ءىس- شارادا مۇحتار قۇل- مۇحاممەد وتباسىلىق ۇلگىدەگى قىزىلوردا بالالار اۋىلىنىڭ ديرەكتورىمەن، مۇگەدەكپەن، الماتىلىق فەرمەرمەن جانە كوكشەتاۋ مەديتسينالىق كوللەدجىنىڭ ستۋدەنتىمەن كەزدەستى.
«اتامەكەن» بالالار ءۇيىنىڭ جەتەكشىسى ليزا سكالوۆا «نۇر وتان» پارتياسىنىڭ رەسپۋبليكالىق قوعامدىق قابىلداۋىنا كومەك سۇراي كەلىپتى. ونىڭ تاربيەلەنۋشىسى مەدەت دالي ماسكەۋ مەملەكەتتىك قۇرىش جانە قورىتپا ينستيتۋتىنا وقۋعا ءتۇسىپتى، ءبىراق ستيپەنديا المايتىن جەتىم بالا كومەككە ءزارۋ. مۇحتار قۇل-مۇحاممەد «نۇر ارمان» جاڭا پارتيالىق جوباسى ارقىلى بولاشاق مەتاللۋرگكە قارجىلىق كومەك كورسەتۋگە تاپسىرما بەردى.
اتالعان جوبا شەڭبەرىندە «نۇر وتان» جاعدايى تومەن وتباسىلاردان شىققان قازاقستاندىق جاستار مەن جەتىمدەردىڭ الەمنىڭ جەتەكشى ج و و- دا ءبىلىم الۋىنا مۇمكىندىك تۋعىزىپ كەلەدى. ليزا سكالوۆا ءوز سوزىندە كۇردەلى كەزەڭگە تاپ بولعان جاس قازاقستاندىقتارعا كورسەتىپ جاتقان زور قامقورلىعى ءۇشىن پارتيا كوشباسشىسى نۇرسۇلتان نازاربايەۆقا شىن جۇرەكتەن بىلدىرگەن العىسىن جەتكىزۋىن سۇرادى.
رەسپۋبليكالىق قوعامدىق قابىلداۋعا كەلگەن تەمىرتاۋلىق №21 مەكتەپتىڭ تۇلەگى دميتري ميسچانچۋككە دە كومەك قولى سوزىلدى. ول بيىل ۇ ب ت- نىڭ مەجەلىك دەڭگەيىنەن وتە الماپتى. جاس جىگىت وسىعان وراي پارتيادان جاردەم سۇرادى. مۇحتار قۇل-مۇحاممەد جىگىتتىڭ ءۋاجىن تىڭداپ شىعىپ، دميترييگە مەملەكەت باسشىسىنىڭ تاپسىرماسىمەن «نۇر وتاننىڭ» بيىلعى جىلى ۇ ب ت- نى تاپسىرا الماعان تۇلەكتەردى جۇمىسقا ورنالاستىراتىن رەسپۋبليكالىق جوبانى ىسكە قوسقانىن تىلگە تيەك ەتتى.
سونداي-اق، ول تەمىرتاۋداعى پارتيانىڭ قالالىق فيليالىمەن بەينەكونفەرەنتسيا بايلانىسى ارقىلى حابارلاسىپ دميتريگە جۇمىس تاۋىپ بەرۋدى تاپسىردى. مىنە، وسىلايشا بۇل ماسەلە جارتى ساعاتتىڭ ىشىندە شەشىلدى.
ول «يمستالكون تەمىرتاۋ» زاۋىتىنا جۇمىسقا ورنالاساتىن بولدى، ءبىراق الدىمەن كاسىپورىننىڭ قاراماعىنداعى ارنايى ءبىلىم بەرۋ ورتالىعىندا وقيدى. 
مۇحتار قۇل- مۇحاممەد «نۇر وتان» پارتياسىنىڭ ون ءبىرىنشى سىنىپتى ءتامامداپ، ۇ ب ت- دان وتە الماعان مىڭداعان جاستارعا كومەك قولىن سوزعانىنا توقتالدى. قازىرگى كەزدە ۇلتتىق ءبىرىڭعاي تەستىلەۋدى تاپسىرا الماعان نەمەسە وعان ءتىپتى قاتىسپاعان 50 مىڭ جاستىڭ ەندى 5 مىڭىنا عانا كومەك كورسەتۋ قالدى. اتالعان جۇمىستى تاۋەلسىزدىك كۇنىنە دەيىن اياقتاۋ جوسپارلانۋدا.
«نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ قابىلداۋىندا 18 جاستاعى ەلوردانىڭ تۇرعىنى اركادي گۋباريەۆ تە بولدى. جاس جىگىت - 1- توپتىڭ مۇگەدەگى، دياگنوزى - سال اۋرۋى. ەكى جىل بويى ول قازاق تەحنولوگيا جانە بيزنەس ۋنيۆەرسيتەتى جانىنداعى كوللەدجدە قاشىقتىقتان وقۋ نەگىزىندە ءبىلىم العان، ءبىراق وتباسىنداعى قارجىلىق جاعدايعا بايلانىستى اركادييدىڭ وقۋىنىڭ اقشاسىن تولەي الاتىن مۇمكىندىگى جوق. مۇحتار قۇل- مۇحاممەد سىرقاتىنا قاراماستان ءوزىن- ءوزى دامىتۋ مەن ءبىلىمىن جەتىلدىرۋگە ۇمتىلىسى كۇشتى جاس جىگىتتى ماقتاپ ءوتتى.
وعان «كەدەرگىسىز كەلەشەك» دەپ اتالاتىن «نۇر وتاننىڭ» اۋقىمدى جوباسىنىڭ بار ەكەنىن ايتىپ بەردى. جوبانىڭ ماقساتى - مۇمكىندىگى شەكتەۋلى جاندارعا جۇيەلى قولداۋ كورسەتۋ. مۇحتار قۇل- مۇحاممەد اڭگىمەسىن تۇيىندەپ بولىپ اركاديي گۋباريەۆكە قارجىلىق كومەك كورسەتۋ ماسەلەسىن شەشىپ بەردى.
ءوز كەزەگىندە جاس جىگىت كوللەدجدى ۇزدىك ءبىتىرىپ شىعىپ، قازاقستاننىڭ دامۋىنا ۇلەسىن قوسۋعا ۋادە بەردى. الماتى وبلىسىنىڭ 57 جاسار فەرمەرى تالعات الدامجاروۆتىڭ تاريحى جاس اركاديي ءۇشىن جارقىن مىسال بولا الادى. پارتيا ءتوراعاسىنىڭ ءبىرىنشى ورىنباسارىمەن ول بەينەبايلانىس ارقىلى سويلەستى. ءبىراق بۇل جاعداي ارباعا تاڭىلعان مۇگەدەك ت. الدامجاروۆتىڭ الما باعىن ەگۋگە، مال ساتىپ الۋىنا، جۇگەرى، جوڭىشقا، سويا وسىرۋىنە كەدەرگى كەلتىرە العان جوق. بۇگىنگى كۇنى ونىڭ شارۋا قوجالىعى تابىسقا قول جەتكىزگەن، ەندى ونى كەڭەيتكىسى كەلەدى. فەرمەر ءسۇت فەرماسىنىڭ قۇرىلىسىن باستاۋ ءۇشىن نەسيە الۋعا كومەكتەسۋىن سۇراپ «نۇر وتان» پارتياسىنا ءوتىنىش ءبىلدىردى.
مۇحتار قۇل- مۇحاممەد ونىڭ جوسپارىن تولىق قولداپ، مەملەكەت باسشىسىنىڭ تاپسىرماسىمەن «اۋىل تۇرعىندارىن جۇمىسپەن قامتۋ» بىرەگەي جوباسىنىڭ ىسكە قوسىلعانىن ايتىپ، وندا قازاقستاندىقتاردىڭ بيزنەس- باستاماسىنا شاعىن نەسيە بەرۋ مۇمكىندىگى قاراستىرىلعانىن ەسكە سالدى. ەندەشە، تالعات الدامجاروۆتىڭ ماسەلەسى شەشىلدى دەسەك تە بولادى. پارتيا وعان قولداۋ كورسەتۋگە ءازىر.
كوكشەتاۋ مەديتسينالىق كوللەدجىنىڭ ەكىنشى كۋرس ستۋدەنتى كريستينا پاۆلوۆا تابيعي تاماق بوياعىشتارى وندىرىسىنە بايلانىستى جوبا ازىرلەپ شىعارىپتى. الايدا ونى ىسكە اسىرۋ ءۇشىن كريستيناعا باستاپقى كاپيتال كەرەك. وعان «NURINTECH» رەسپۋبليكالىق بايقاۋىنا قاتىسۋ ءۇشىن، بۇكىل رەسپۋبليكا بويىنشا قازاقستاندىق جاستاردىڭ يننوۆاتسيالىق زەرتتەمەلەرىن ىرىكتەۋدىڭ ءجۇرىپ جاتقانى ايتىلدى. ال جەڭىمپازدار ءوز يدەيالارىن ومىردە ىسكە اسىرۋ ءۇشىن گرانت الادى. كريستينا پاۆلوۆا بۇل جاڭالىققا قاتتى قۋاندى. ول ءوزىنىڭ وسى بايقاۋدا جەڭىسكە جەتەتىنىنە سەنىمدى.
ازاماتتاردى قابىلداۋ ءىس- شاراسىن قورىتىندىلاعان مۇحتار قۇل- مۇحاممەد بيىلعى جىلى «نۇر وتان» پارتياسىنىڭ قوعامدىق قابىلداۋىنا 194 مىڭنان استام قازاقستاندىقتاردىڭ ءوتىنىش بىلدىرگەنىنە توقتالدى. ونىڭ ىشىندە 76 مىڭنان استام ازامات ءوز وتىنىشتەرىن «ەلەكتروندىق پارتيا» جۇيەسى ارقىلى جەتكىزگەن.
ەلىمىزدىڭ بارلىق وڭىرلەرىندەگى تۇراقتى جۇمىس ىستەپ جاتقان قوعامدىق قابىلداۋلارىندا پارتيا جەتەكشىلەرى، مينيسترلەر، اكىمدەر، مەملەكەتتىك ورگاندار، كوممۋنالدىق كاسىپورىندار مەن ۇلتتىق كومپانيالاردىڭ وكىلدەرى حالىقپەن ءجيى كەزدەسىپ تۇرادى. بيىلعى جىلى تاپ وسىنداي 20 مىڭنان استام قابىلداۋ بولدى.
جۇرتتىڭ ايتقان كوپتەگەن ماسەلەلەرى سول جەردە شەشىلۋدە. قوسىمشا پىسىقتاۋدى تالاپ ەتەتىن ماسەلەلەردى پارتيا ءوز باقىلاۋىنا الۋدا. «نۇر وتان» پارتياسى ءتوراعاسىنىڭ ءبىرىنشى ورىنباسارى ازاماتتاردىڭ بىردە- ءبىر ءوتىنىشىنىڭ نازاردان تىس قالمايتىنىن ايتىپ، قوعامدىق قابىلداۋلاردىڭ جۇمىسى - «نۇر وتان» قىزمەتىنىڭ باسىم باعىتى بولىپ تابىلاتىنىنا توقتالدى. «ءبىزدىڭ ەسىگىمىز قازاقستاندىقتارعا ءاردايىم اشىق» - دەپ اتاپ ءوتتى مۇحتار قۇل- مۇحاممەد.
