باس پروكۋراتۋرا مەكتەپ وقۋشىلارىن جىنىستىق تەكسەرىستەن وتكىزىپ تۇرۋدى ۇسىندى

سول سەبەپتى پروكۋرورلار مەكتەپتە وتكىزىلەتىن مەديتسينالىق تەكسەرىستەرگە گينەكولوگ ماماندار دا اتسالىسۋى قاجەت دەپ سانايدى، دەپ حابارلايدى قازاقپارات.

«ماسەلەن، باتىس قازاقستان وبلىسىنىڭ پوكۋرورلارى 6-سىنىپ وقيتىن قىزبەن اشىق اڭگىمەلەسۋ كەزىندە ونىڭ ءبىر رەت ەمەس، بىرنەشە رەت اكەسىنەن جىنىستىق زورلىق كورگەنىن انىقتادى. قىز بالا ينتەرناتقا كوشپەگەندە، ول تۋرالى ايتپايتىن ەدى.

الماتى وبلىسىندا 14 جاسار قىز ۇزاق ۋاقىت بويى جەزدەسىنىڭ ءوزىن زورلاعانىن باياندادى. وسى جانە تاعى مىسالداردى الىپ قاراساق، جىنىستىق زورلىق-زومبىلىققا تاپ بولعان بالالاردىڭ كوبىسى قىلمىس تۋرالى اشىق ايتۋعا قورقادى. سەبەبى دالادا قالىپ قويامىز دەپ قورقادى. الايدا كوپ جاعدايدا ادامدار ۇياتقا قالامىز دەپ ۇرەيلەنەدى. بالالار بولسا، ەشتەڭە تۇسىنبەيدى. وسىنىڭ سالدارىنان كامەلەتتىك جاسقا تولماعان بالالارعا قاتىستى سەكسۋالدىق قىلمىستار جيىلەپ وتىرادى»، - دەيدى ا. كراۆچەنكو.

وسىعان بايلانىستى باس پروكۋراتۋرا مەكتەپتەردە جىل سايىن وتكىزىلەتىن مەديتسينالىق تەكسەرىستەر كەزىندە بالالاردى گينەكولوگتار مەن حيرۋرگتار قاراپ وتىرۋى قاجەت دەپ سانايدى. نەگىزگى ماقسات - زورلىق- زومبىلىقتىڭ ىزدەرىن انىقتاۋ. جاقىن تۋعان- تۋىستار بولسا، بالاعا قاتىستى جىنىستىق قىلمىسقا بارۋعا تارتىناتىن بولادى. بۇدان بولەك، پروكۋرورلار ۇستازداردىڭ پسيحولوگيالىق دايىندىعىن كۇشەيتىپ، جىنىستىق قىلمىستىڭ قۇربانىنا اينالعان بالالاردى بىردەن انىقتاپ وتىرۋى قاجەتتىگىن العا تارتىپ وتىر.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى