مەن قىتايدى جەك كورەدى دەگەندى كىم شىعارىپ ءجۇر؟ - ا ق ش-تىڭ جاڭا پرەزيدەنتى
رەسمي شەشىم ءالى شىقپاعانىمەن ترامپ شتابى تويلاپ، الەم اقپاراتتى قورىتىپ جاتىر. تومەندە ترامپتىڭ ومىرلىك ۇستانىمدارىن بىلدىرەتىن افوريزمدەر توپتاماسىن ۇسىنىپ وتىرمىن، قانداي ادام ەكەنىن پايىمداي بەرىڭدەر.
بلوگ - kozildirik: ترامپتىڭ ومىرلىك ۇستانىمدارى
«مەن جولى بولمايتىنداردى جەك كورەمىن»
«مەنىڭ ۋاقىتىم ءوتتى دەپ سانايتىندار وتە قاتتى قاتەلەسەدى»
«مەنىڭ باسقا ۇمىتكەرلەردەن جالعىز ايىرماشىلىعىم - مەن ادالىراقپىن جانە مەنىڭ ايەلدەرىم ادەمىرەك»
«مەن بيزنەسكە شىعارماشىلىق تۇرعىدان قارايمىن. بىرەۋلەر سۋرەت سالادى، بىرەۋلەر ولەڭ جازادى. ال مەنىڭ جاساعان كەلىسىم- شارتتارىم ونەر تۋىندىسى سياقتى»
«كەيدە ەڭ جاقسى ينۆەستيتسيا - سەن سالماعان ينۆەستيتسيا»
«كوپشىلىك ماعان ويىنقۇمار ادام سياقتىسىڭ دەيدى، ءبىراق مەن ءومىرى قۇمار ويىنىنا جولاپ كورمەگەنمىن. ويىنقۇمار كازينودا ويىن اۆتوماتتارىنىڭ قاسىنان شىقپايدى. ال مەن سول اۆتوماتتاردىڭ يەسى بولعاندى قالايمىن»
«ءيا، مەن مەكسيكامەن ءبولىپ تۇراتىن قابىرعا سالعىم كەلەدى. ونى مەنەن ارتىق ەشكىم سالا المايدى جانە قۇرىلىس ارزانعا تۇسەدى. سونداي- اق ونىڭ قۇنىن مەكسيكانىڭ ءوزى وتەپ بەرەتىن بولادى. وسى ءسوزدى ەستەرىڭە ساقتاڭدار!»
«مەن قىتايدى جەك كورەدى دەگەندى كىم شىعارىپ ءجۇر؟ بۇرىن ءبىر قىتايعا 15 ميلليونعا ءۇي ساتقان ەدىم. وسىدان كەيىن ونىڭ ەلىن قالاي جەك كورە الامىن؟»
«ءبىز يراكتا نە ىستەپ جاتقانىمىزدى قاراڭدارشى. ءبىز مەكتەپ سالامىز، جول سالامىز، سوسىن بىرەۋ كەلەدى دە مەكتەپتى جارىپ جىبەرەدى. ونى قايتا سالامىز. تاعى بىرەۋى جولدى جارىپ جىبەرەدى، ونى قايتا سالاتىن تاعى ءبىز. وسىنى ەرىنبەي ىستەي وتىرىپ برۋكلينگە وسى قارعىس اتقىر مەكتەپتەردىڭ بىرەۋىن سالۋعا شامامىز جوق»
«مەنىڭ ويىمشا حالىقارالىق ساۋدا ورتالىعىن قايتا تۇرعىزعان كەزدە اقىماق جوبالار ويلاپ تاپپاي تۋرا سونداي عيمارات سالۋى كەرەك ەدى. تەك ءبىر قابات بيىك بولسا بولدى»
«مەنىڭ ويىمشا ا ق ش -تىڭ ەڭ باستى پروبلەماسى - تىم ساياسي سىپايى بولىپ كورىنگىسى كەلەتىنىندە»
«ەگەر مەن پرەزيدەنت بولسام، سەندەر دۇكەندەردەگى روجدەستۆومەن قۇتتىقتاۋدى قايتا كورە الاسىڭدار»
«ابورتقا (جاساندى تۇسىك) قارسى ەكەنىمدى قۋانىشپەن حابارلايمىن»
«ءبىز جاقسى ادامداردىڭ ساياساتتا جولى بولمايدى دەگەن تۇسىنگى بار الەمدە ءومىر ءسۇرىپ جاتىرمىز»
«مەن ءارقاشان قول بەرىپ امانداسامىن جانە سولاي امانداسقاندى جاقسى كورەمىن. قول بەرىپ امانداسۋدى ۇناتپاي ساياساتكەر بولۋ مۇمكىن ەمەس قوي»
«بىرەۋلەردىڭ ويىنشا مەنىڭ ساۋساقتارىم قىسقا ەكەن. ءبىراق مەنىڭ ساۋساقتارىم دەنەمنىڭ باسقا مۇشەلەرى سياقتى ۇزىن جانە ادەمى. ونىڭ بارلىعى قۇجاتتالعان»
«مەن ادەمى ايەلدەردى جاقسى كورەمىن. ادەمى ايەلدەر مەنى جاقسى كورەدى. ەكى جاقتى كەلىسىم بولعانى قانداي جاقسى!»
«يۆانكانىڭ (ترامپتىڭ قىزى) دەنە ءبىتىمى كەرەمەت. ەگەر ول مەنىڭ قىزىم بولماعاندا قىرىنداپ كورەر ەدىم»
«بالالارىڭا وزدەرى تاپپاعان بايلىقتىڭ سالماعىن سالىپ قاجەتى جوق. بۇل ولاردىڭ ومىرىنە بالتا شابادى»
«ەگەر ويلانا الاتىن بولساڭ، وندا ۇلكەن نارسەلەردى ويلا»
«جاقسى يدەيانى ويلاپ تاۋىپ، ونى ىسكە اسىرماعاننان ارتىق قىلمىس جوق»
«ەشقاشان ەڭبەك دەمالىسىن الماڭدار. ەگەر جۇمىس ءلاززات سىيلاماسا، دەمەك وزدەرىڭە كەرەك ەمەس جەردە جۇمىس ىستەپ جۇرسىڭدەر»
«مەنىڭ ۇرانىم: ۇزدىكتەردى جۇمىسقا ال، ءبىراق ولارعا ەشقاشان سەنبە»
«ەگەر سەنىڭ باستىعىڭ ناشار ادام بولسا، وندا ونى جۇمىستان شىعارىپ جىبەر. باسقا جۇمىس تاۋىپ ال»
«تەك جولى بولمايتىندار عانا جەڭىسكە ماساتتانادى»
«ەگەر مەنىكى دۇرىس بولماسا، ەشقاشان كەشىرىم سۇراۋعا ارلانبايمىن»
اقپارات esquire.ru سايتىنان الىندى.
https://kerekinfo.kz
