سوت ساراپتاماسى ماگيسترلەرى مەن ساراپشىلارى قازاقستاندا دايىندالادى
ال، ماگيستراتۋرا دەڭگەيى بويىنشا ول وسىدان ءبىر جىل بۇرىن ەنگىزىلگەن. بۇل تۋرالى ق ر ادىلەت مينيسترلىگىنىڭ سوت ساراپتاماسى ورتالىعىنىڭ ديرەكتورى يسيدور بورچاشۆيلي مەن سوت مەديتسيناسى ورتالىعى ديرەكتورىنىڭ ورىنباسارى رۋسلان ساتىپالديەۆ ورتالىق كوممۋنيكاتسيالار قىزمەتىندە قازاقستاندا زاڭ ۇستەمدىگىن قامتاماسىز ەتۋ باعىتىنداعى سوت- ساراپتاما قىزمەتىنە بايلانىستى وتكەن باسپا ءسوز ءماسليحاتىندا ايتتى.
ماگيستراتۋرا مەن دوكتورانتۋرا دارەجەلەرى بويىنشا، جاڭا كادرلاردى دايىنداۋ مىندەتى جۇكتەلگەن عىلىمي كادرلارمەن قامتاماسىز ەتۋ جانە ۇستازدىق قىزمەتتىڭ ساتىلىق دەڭگەيى تۋرالى ايتا كەلە رۋسلان ساتىپالديەۆ: «قازىرگى تاڭدا 4 عىلىم دوكتورى جۇمىس ىستەپ جاتىر. ەكەۋى استانادا، قالعاندارى الماتى مەن سەمەيدە. عىلىم كانديداتى دارەجەسى بار 26 مامان بار. ساراپشى استاناداعى ۋنيۆەرسيتەتتەردىڭ بىرىندە PhD دارەجەسى بويىنشا دايىندالۋدا»، - دەدى.
ونىڭ سوزىنشە، قازىرگى تاڭدا ق ر ءبىلىم بەرۋ جۇيەسى كانديداتتىق ديسسەرتاتسيا قورعاۋعا مۇمكىندىك بەرمەي وتىر.
«ءبىز رەسەيدىڭ سوت مەديتسيناسى فەدەرالدى ورتالىعىمەن ىنتىماقتاستىق ورناتىپ، ماماندار دايارلاۋ جونىندە مەموراندۋمعا قول قويدىق. بىزدە قازىر ءبىر ساراپشى كانديداتتىق ديسسەرتاتسيانىڭ تاقىرىبىن ويلاستىرۋدا. كەلەسى جىلى ول وسى ورتالىقتىڭ بازاسىندا ونى قورعايدى»، - دەدى ساتىپالديەۆ.
