نازاربايەۆ قازاقستان- كورەيا تاۋار اينالىمىنىڭ تومەندەۋى ۋاقىتشا قۇبىلىس ەكەندىگىنە سەنىمدى

 دەپ حابارلايدى قازاقپاراتتىڭ ارناۋلى ءتىلشىسى سەۋلدەن.

قاۋىرت جۇمىستارىنىڭ كوپتىگىنە قاراماستان كەزدەسۋگە ۋاقىت تاپقان بيزنەس وكىلدەرىنە شىنايى ريزاشىلىعىن بىلدىرگەن ق ر پرەزيدەنتى: «كورەيا رەسپۋبليكاسى شىعىس ازياداعى قازاقستاننىڭ باستى سەرىكتەستەرىنىڭ ءبىرىن سانالادى. ءبىزدىڭ تاۋەلسىزدىگىمىزدىڭ 25 جىلى بويى كورەي ەلىنىڭ دامۋ تاجىريبەسىن، ەكونوميكانى دامىتۋ جولىن تىڭعىلىقتى زەردەلەۋگە باسا نازار اۋدارىپ كەلەمىز. تاۋەلسىزدىك جىلدارى ىشىندە كورەيادان قازاقستانعا كەلگەن تىكەلەي ينۆەستيتسيا كولەمى شامامەن ون ميلليارد ا ق ش دوللارىنا جۋىقتادى. ءوزارا تاۋار اينالىمى كولەمى 1,5 ميلليارد دوللاردى قۇرادى»، - دەدى.

 دەگەنمەن، مەملەكەت باسشىسى 2014 -جىلى بيرجالىق تاۋارلار باعامىنىڭ تومەندەۋىنە بايلانىستى ەكى ەلدىڭ اراسىنداعى تاۋار اينالىمىنىڭ كۇرت تومەندەپ كەتكەندىگىن باسا ايتتى.

«بۇل ۋاقىتشا عانا قۇبىلىس ەكەندىگىنە سەنىمدىمىن. ءبىز بۇل جاعدايدا تۇزەتە الامىز. ولار - سىرتقى فاكتورلارلار ءارى وبەكتيۆتى سەبەپتەر. ەندىگى ۋاقىتتا ءبىزدىڭ ەكونوميكالىق ىنتىماقتاستىعىمىزعا تىڭ سەرپىن بەرۋ قاجەت. ءوزارا ءىس- قيمىلدىڭ باسىمدىقتى باعىتتارى ەنەرگەتيكا، اۋىل شارۋاشىلىعى، ماشينا جاساۋ، قۇرىلىس، قارجى جانە ينۆەستيتسيا، كولىك- لوگيستيكا جۇيەلەرى بولا الادى»، - دەدى ەلباسى.

«قازىرگى ۋاقىتتا قازاقستاندا كورەيلىك كاپيتالدىڭ قاتىسۋىمەن بىرلەسكەن كاسىپورىن جۇمىس ىستەپ تۇر. سوڭعى ءۇش جىلدىڭ ىشىندە عانا جالپى سوماسى 160 ميلليون دوللاردان اساتىن 14 ينۆەستيتسيالىق جوبا تابىستى جۇزەگە اسىرىلدى»، - دەدى نازاربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى