اپاتقا ۇشىراعان ترامۆايدا قايتىس بولعانداردىڭ سانى ارتتى - كەسكىن
ادامدار ترامۆايدىڭ ىشىندە كەپتەلىپ قالعان، 50 دەن استام ادام اۋرۋحاناعا جەتكىزىلىپ، 7 ادام مەرت بولدى. دەپ جازادى korrespondent.net. ترامۆايدىڭ 42 جاسار جۇرگىزۋشىسى بايقاۋسىزدا ادام ءولتىردى دەگەن ايىپپەن قاماۋعا الىندى.
قايعىلى جاعدايدىڭ سەبەپتەرىنىڭ ءبىرى - جۇرگىزۋشى ترامۆايدى باسقارىپ كەلە جاتىپ قالعىپ كەتۋى مۇمكىن. وقيعاعا بايلانىستى تاراتىلعان مالىمەتتەردە ترامۆايدىڭ قاتتى جىلدامدىقپەن كەلە جاتىپ، بۇرىلىستا اۋدارىلىپ قالعاندىعى ايتىلادى.
بريتانيا پرەمەر-ءمينيسترى تەرەزا مەي مەن لوندون مەرى ساديك حان وقيعا سالدارىنان مەرت بولعاندار مەن زارداپ شەككەندەردىڭ وتباسىلارىنىڭ قايعىلارىنا ورتاقتاسىپ، كوڭىل ايتتى.
ترەملينك (كرويدوندىق ترامۆاي) 2000-جىلى اشىلعان ترامۆاي جۇيەسى. ترەملينك قۇرىلىسىن سالۋدىڭ باستى سەبەپتەرىنىڭ ءبىرى - كرويدوندا مەترونىڭ جوقتىعى بولعان.
