قازاقستان جەنيەۆاداعى بيولوگيالىق قارۋ تۋرالى كونۆەنتسيا كونفەرەنتسياسىنا قاتىسادى
جانە ولاردى كونۆەنتسيا تالاپتارى نەگىزىندە جويۋ تۋرالى كونۆەنتسياعا قاتىسۋشى مەملەكەتتەردىڭ سەگىزىنشى كونفەرەنتسياسى جۇمىسىن باستادى.
بۇل تۋرالى ق ر سىرتقى ىستەر مينيسترلىگى حابارلادى. شولۋ كونفەرەنتسيانىڭ جۇمىسىنا قۇرامىندا ەلىمىزدىڭ سىرتقى ىستەر، ءبىلىم جانە عىلىم مينيسترلىكتەرى مەن قازاقستاننىڭ جەنيەۆاداعى وكىلدىگىنىڭ وكىلدەرى بار دەلەگاتسيا دا قاتىسادى. 8-قاراشا كۇنى وتكەن دەباتتار كەزىندە ق ر سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ەربولات سەمبايەۆ بايانداما جاسادى.
ول سوزىندە كونۆەنتسيانىڭ سوڭعى 40 جىل بويىنا حالىقارالىق قاۋىپسىزدىكتى قامتاماسىز ەتىپ كەلە جاتقان شەشۋشى قۇرال ەكەنىنە توقتالا كەلە، قازاقستاننىڭ بيوتەحنولوگيالار مەن بيولوگيالىق قاۋىپتى جويۋ باعىتىنداعى ۇزدىك ەلدەردىڭ قاتارىندا حالىقارالىق ىنتىماقتاستىقتى دامىتۋ شارالارى تۋرالى ايتىپ ءوتتى.
«تەكسەرۋدىڭ ىسكەرلىك جانە كەلىسىلگەن تەتىكتەرىن دايىنداۋ - بيولوگيالىق جانە توكسيندى قارۋعا تىيىم سالۋ رەجيمىنىڭ بۇزىلمايتىندىعىنىڭ كەپىلى بولا الادى. وسى رەتتە زاڭدىق تۇرعىدا ماجبۇرلەيتىن ۆەريفيكاتسيالىق تەتىكتى دايىنداۋدىڭ قاجەتتىلىگى تۋىندايدى»، - دەپ قوستى ە. سەمبايەۆ.
ءىس-ارەكەتتەردى قاراۋ كونفەرەنتسياسى 5 جىلدا ءبىر رەت وتەدى جانە ول ءتيىستى شەشىمدەر قابىلداۋعا قۇزىرلى كونۆەنتسيانىڭ جوعارى ورگانى بولىپ تابىلادى. شارا 2016-جىلدىڭ 25- قاراشاسىنا دەيىن جالعاسادى.
