قازاقستان رەسپۋبليكالىقتارمەن دە، دەموكراتتارمەن دە دوس بولا ءبىلدى - ساياسات تانۋشى

بۇنىڭ بارلىعىن ساراپشىلار الدىن الا بولجاعان. ال دونالد ترامپتىڭ بيلىككە كەلۋى قازاقستان مەن ا ق ش اراسىنداعى بايلانىستارعا ايتارلىقتاي اسەر ەتپەۋى ءتيىس، دەپ حابارلايدى قازاقپارات ءتىلشىسى.

«ا ق ش- تاعى سايلاۋدىڭ ناتيجەسى كوپتەگەن الەمدىك قور بيرجالارىنىڭ كوتيروۆكالارىن وزگەرتتى. ايتپاقشى، سايلاۋ باستالماس بۇرىن ينۆەستورلاردىڭ كوبىسى ترامپ جەڭگەن جاعدايدا اكسيالاردىڭ ارزاندايتىنى تۋرالى ايتقان. نەگىزى، بۇنىڭ ءبارى ۋاقىتشا رەاكسيا، ساياسي وقيعانىڭ اسەرى دەۋگە بولادى. قازىرگى جاعداي ۇزاق سوزىلماۋى قاجەت. سەبەبى مۇناي باعاسىنا ءبىر عانا ساياسي وقيعا اسەر ەتىپ وتىرعان جوق. ودان بولەك باسقا دا فاكتورلار بار»، - دەدى د. ساتپايەۆ قازاقپارات تىلشىسىنە بەرگەن سۇحباتىندا.

ساياسات تانۋشىنىڭ سوزىنە قاراعاندا، سايلاۋدىڭ ناتيجەسى قازاقستانمەن اراداعى بايلانىستارعا كەرى اسەرىن تيگىزبەۋى ءتيىس. «ويتكەنى سوڭعى 25 جىلدىڭ ىشىندە قازاقستان رەسپۋبليكالىقتارمەن دە، دەموكراتتارمەن دە دوس بولا ءبىلدى. سوسىن جاھاندىق ساياسات تۇرعىسىندا رەسەيمەن سالىستىرعاندا، قازاقستان امەريكانىڭ باسىمدىقتى باعىتتارىنا جاتپايدى. سايلاۋالدى دەباتتار كەزىندە ترامپ تا، كلينتون دا وزدەرىنىڭ سىرتقى ساياساتقا قاتىستى مالىمدەمەلەرىن رەسەيمەن بايلانىستىرعان ەدى. سوندىقتان ترامپتىڭ بيلىككە كەلۋى بىزگە تىكەلەي اسەر ەتپەسە دە، جاناما تۇردە اسەر ەتۋى ابدەن مۇمكىن. سەبەبى قازاقتان دا، رەسەي دە ەۋرازيالىق ەكونوميكالىق وداققا كىرەدى. الايدا رەسەيدىڭ ترامپقا قولداۋ بىلدىرگەنىن ۇمىتپاۋ قاجەت. كرەمل سانكتسيالاردى تەزىرەك الىپ تاستاسا ەكەن دەپ تىلەپ وتىر. دەگەنمەن، ونىڭ بارلىعى بىردەن شەشىلەدى دەپ ايتۋ قيىن»، - دەپ اتاپ كورسەتتى د. ساتپايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى