قازاقستانداعى ا ق ش ەلشى: ترامپتىڭ جەڭىسىنەن كەيىن دە ا ق ش-تىڭ قازاقستانمەن قارىم- قاتىناسى نىعايا بەرەدى

«بۇگىن امەريكالىق سايلاۋشىلار دونالد ترامپتى امەريكا قۇراما شتاتتارىنىڭ كەلەسى پرەزيدەنتى ەتىپ تاڭدادى. امەريكا قۇراما شتاتتارىندا سايلاۋ ناۋقاندارى بەلسەندى ءارى تالقىعا تولى سيپاتتا اتالىپ وتەتىن ءداستۇر سوناۋ تاۋەلسىزدىگىمىزدى العاننان بەرى، 240 جىل بويى ۇزىلمەي كەلە جاتىر. جاڭا پرەزيدەنت مەملەكەتتىڭ باسقارۋشىسى رەتىندە امەريكا قۇراما شتاتتارىنىڭ كونستيتۋتسياسىن ۇستانۋعا جانە امەريكالىقتاردىڭ مۇددەلەرى ءۇشىن قىزمەت ەتۋگە مىندەتتى بولادى»، دەيدى ول.

ەلشىنىڭ اتاپ وتۋىنشە، باسشىلىقتىڭ اۋىسقانىنا قاراماستان، امەريكا قۇراما شتاتتارىنىڭ الەمدە بەيبىتشىلىك، تۇراقتىلىق جانە ءال-اۋقاتتى ناسيحاتتاۋ جونىندە نيەتى وزگەرمەيدى. قازاقستان تاۋەلسىزدىك العاننان باستاپ 25 جىل بويى قالىپتاسقان ا ق ش پەن قازاقستاننىڭ اراسىنداعى سىيلاستىققا تولى قارىم- قاتىناس ءوسىپ، نىعايا بەرەدى. امەريكا كونستيتۋتسياسى بويىنشا 2017 -جىلدىڭ 20 -قاڭتارىندا دونالد ترامپ امەريكا قۇراما شتاتتارىنىڭ 45- پرەزيدەنتى بولىپ تاعايىندالادى. دجوردج كرول: «سول كۇننەن باستاپ امەريكا تاريحىنىڭ جاڭا پاراعى اشىلادى. سول ءبىر كۇنى ءبىزدىڭ ستراتەگيالىق سەرىكتەسىمىز قازاقستانمەن قارىم-قاتىناسىمىزدى جالعاستىرىپ، تەرەڭدەتەتىنىمىزدى اسا كۇتەمىز»، - دەيدى سوزىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى