مەملەكەتتىك حاتشى: ەلىمىزدىڭ ءاربىر ءتورتىنشى ازاماتى - كىتاپحانا وقىرمانى - فوتو
گۇلشارا ءابدىقالىقوۆا ءوزىنىڭ قۇتتىقتاۋ سوزىندە ق ر پرەزيدەنتى نۇرسۇلتان نازاربايەۆ مادەنيەتتى دامىتۋدى مەملەكەتتىك ساياساتتىڭ باسىمدىقتارىنىڭ ءبىرى رەتىندە بەكىتكەنىن اتاپ ءوتتى.
«ءبىز مادەنيەتتى باسقارۋدىڭ قازىرگى زامانعى ۇلگىسىن قۇرۋدامىز، ول قازاقستان رەسپۋبليكاسىنىڭ الەمدەگى ەڭ دامىعان 30 مەملەكەتىنىڭ قاتارىنا ەنۋىنە ىقپال ەتەتىن بولادى. بۇگىندە ەلىمىزدە مادەني ساياسات تۇجىرىمداماسى تابىستى ىسكە اسىرىلۋدا. 700 دەن استام باسپالار مەن كىتاپ شىعارۋشى ۇيىمدار جەمىستى جۇمىس جۇرگىزۋدە. 11 مىڭنان استام كىتاپحانالاردىڭ ەسىگى ايقارا اشىق. مەملەكەت باسشىسىنىڭ تاپسىرماسى بويىنشا جالپى كولەمى 18 مىڭ بيبليوگرافيالىق جازبالاردى قۇرايتىن قازاق ۇلتتىق ەلەكتروندىق كىتاپحاناسىنىڭ قورى ساتىلاپ ۇلعايتىلۋدا. بۇگىنگى تاڭدا ەلىمىزدىڭ ءاربىر 4 - ازاماتى وقىرمان سانالادى»، - دەدى مەملەكەتتىك حاتشى.
ءىس- شارا قازاقستان تاۋەلسىزدىگىنىڭ 25 جىلدىعىن مەرەكەلەۋ اياسىندا وتكىزىلدى. ول ت م د، ەۋروپا جانە ازيا مەملەكەتتەرىنىڭ باسپا، كىتاپ ساۋداسى، عىلىم، ءبىلىم بەرۋ جانە پوليگرافيالىق كومپانيالارىن ۇلكەن زياتكەرلىك الاڭعا توپتاستىرۋعا باعىتتالعان. كىتاپ كورمەسىنە جاقىن جانە الىس شەتەلدەردىڭ 20 ەلىنەن، ونىڭ ىشىندە قازاقستان، رەسەي، بەلارۋس، قىتاي، گەرمانيا جانە ت. ب. ەلدەردىڭ 80 نەن استام كومپانياسى قاتىسۋدا.
ەۋرازيالىق حالىقارالىق كىتاپ كورمە- جارمەڭكەسىن وتكىزۋ يدەياسى مەملەكەت باسشىسىنىڭ «100 ناقتى قادام» ۇلت جوسپارىنىڭ اياسىندا استانانى ەۋرازيانىڭ ىسكەرلىك، مادەني جانە عىلىمي ورتالىعىنا اينالدىرۋ بويىنشا ىسكە اسىرىلۋدا. «Eurasian Book Fair - 2016» ەۋرازيالىق حالىقارالىق كىتاپ كورمە- جارمەڭكەسىن ارالاۋ بارىسىندا مەملەكەتتىك حاتشى ۇسىنىلعان كىتاپتار ەكسپوزيتسيالارىمەن تانىستى جانە كورمەنىڭ فرانكفۋرت، ماسكەۋ، بەيجىڭ سياقتى ءىرى كىتاپ كورمە- جارمەڭكەلەرىنىڭ دەڭگەيىنە كوتەرىلۋىنە تىلەكتەستىك ءبىلدىردى.
