ەۋروكەڭەس پەن ەۋروكوميسسيا ءتوراعاسى ترامپتى ەۋروپاعا شاقىردى

بۇل تۋرالى ساياساتكەرلەر اق ءۇي باسشىسىنا قۇتتىقتاۋ حاتىندا جازدى، دەپ حابارلادى بريۋسسەلدەگى «قازاقپارات» ح ا ا مەنشىكتى ءتىلشىسى. «امەريكا قۇراما شتاتىنىڭ 45- پرەزيدەنتىن سايلانۋىمەن قۇتتىقتايمىز»، - دەپ جازدى تۋسك پەن يۋنكەر.

حاتتا ە و مەن ا ق ش اراسىنداعى ستراتەگيالىق ارىپتەستىك «ادام بوستاندىعى مەن قۇقىقتارىنىڭ، دەموكراتيانىڭ جالپى قۇندىلىقتارىنا، نارىقتىق ەكونوميكاعا سەنىمگە نەگىزدەلەدى». كوپتەگەن جىلدار ارالىعىندا ەۋروپالىق وداق پەن قۇراما شتاتتار بىرگە بەيبىتشىلىك پەن گۇلدەنۋدى قامتاماسىز ەتۋ ءۇشىن جۇمىس ىستەدى.

«بۇگىن بۇل قانداي دا ءبىر ترانساتلانتيكالىق قاتىناستاردى نىعايتۋعا قاراعاندا، بارىنشا ماڭىزدى. دايش سياقتى سىن- قاتەرلەرگە، ۋكراينانىڭ ەگەمەندىگى مەن اۋماقتىق تۇراقتىلىعىنا تونگەن قاۋىپكە، كليمات پەن كوشى- قوننىڭ وزگەرۋىنە تەك ەو مەن اقش- تىڭ تىعىز ىنتىماقتاستىعى عانا وڭدى ىقپال ەتە الادى»، - دەپ اتاپ ءوتتى ساياساتكەرلەر.

ول «باقىتقا وراي، ە و مەن ا ق ش- تىڭ ستراتەگيالىق ارىپتەستىگى كەڭ ءارى تەرەڭ، سوندىقتان بريۋسسەل مەن ۆاشينگتون «ولاردىڭ بايلانىستارى بەرىك ءارى ۇزاق بولىپ قالۋىنا كەپىلدىك بەرۋ ءۇشىن بارلىق كۇش- جىگەردى جۇمساۋى قاجەت»، - دەلىنگەن حاتتا. حاتتاعى قورىتىندى سوزىندە ولار دونالد ترامپتى ە و- ا ق ش ءسامميتىن وتكىزۋ ءۇشىن ەۋروپاعا شاقىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى