ا ق ش- تىڭ جاڭا پرەزيدەنتى دونالد ترامپ الەم جۇرتشىلىعىنا ءسوز ارنادى
«امەريكانىڭ مۇددەسىن جوعارى قويساق تا، الەمگە ايتقىم كەلەتىنى، ءبىز بارلىعىمەن دە بىرگە بولامىز. ءاربىر حالىقپەن، ءاربىر ۇلتپەن ءوزارا تۇسىنىستىك تابامىز. بۇل قاقتىعىس ەمەس، سەرىكتەستىك بولادى»، - دەپ اتاپ ءوتتى دونالد ترامپ ءوز جاقتاستارىنىڭ الدىندا سويلەگەن سوزىندە.
«ماعان قازىر عانا حيللاري كلينتون تەلەفون سوقتى. ول مەنى جەڭىسكە جەتۋىممەن قۇتتىقتادى. مەن ونى جانە ونىڭ وتباسىن وسىناۋ قيىن سايلاۋ كامپانياسىنداعى كۇرەسۋىمەن قۇتتىقتادىم. حيللاري ءوز ومىرىندە ۇزاق ۋاقىت جۇمىس ىستەدى. ونىڭ ەلىمىزگە كورسەتكەن قىزمەتى ءۇشىن العىس بىلدىرۋىمىزگە بولادى»، - دەدى ا ق ش- تىڭ جاڭا پرەزيدەنتى.
دونالد ترامپتىڭ پىكىرىنشە، ەندى «امەريكا بولىنۋشىلىكتى قويۋى كەرەك» جانە «ۇلتتى قايتا قۇرۋ كەرەك».
«دەموكراتتار مەن رەسپۋبليكالىقتار ءبىر ۇلتقا بىرىگۋى ءتيىس. ۋاقىت جەتتى. ەلىمىزدىڭ بارلىق ازاماتى بارلىق امەريكالىقتىڭ پرەزيدەنتى بولۋعا انت بەرەمىن. بۇل مەن ءۇشىن وتە ماڭىزدى. بۇعان دەيىن مەنى قولداماعاندار، سىزدەردەن كومەك سۇرايمىن، ءبىز بىرىگىپ جۇمىس ىستەپ، ەلىمىزدى بىرىكتىرە الامىز. وسىعان دەيىن دە ايتقانىمداي، بىزدە كامپانيا ەمەس، قۇددى ءبىر قوزعالىس بولدى. ءوز جۇمىسىنا بەرىلگەن، وزدەرى ءۇشىن، ءوز وتباسى ءۇشىن كۇرەسكەن ەرلەر مەن ايەلدەر. بۇل قوزعالىس بيلىك حالىق ءۇشىن جۇمىس ىستەۋى كەرەك دەپ ەسەپتەيتىن بارلىق ۇلتتاعى امەريكالىقتاردى، ءدىني سەنىمدەردى قامتيدى. سولاي بولادى دا. جۇمىستى بىرگە ىستەي كەلە، ءبىز ۇلتىمىزدى قايتا قۇرامىز»، - دەدى ترامپ.
ا ق ش- تىڭ 45- پرەزيدەنتى جاڭا جۇمىس ورىندارىن، جاڭا ينفراقۇرىلىمدى جانە كوپتەگەن ەلمەن قارىم- قاتىناستى جاقسارتۋدى ۋادە ەتتى.
«ءبىز زور مۇمكىنشىلىكتەرىمىزدى پايدالانبادىق، وسى باعىتتا جۇمىس ىستەيمىن، بار مۇمكىندىگىمىزدى پايدالانامىن. ءاربىر امەريكالىق ءوز مۇمكىندىگىن جۇزەگە اسىرا الادى. نازارسىز قالىپ قويعان تۇرعىندارىمىز ەندى نازارسىز بولمايدى. ينفراقۇرىلىممەن اينالىسامىز، جولدار، كوپىرلەر، قالالار جاڭارادى. ميلليونداعان ادام جۇمىسپەن قامتىلادى. سوڭعى 18 ايدا كوپتەگەن ارداگەرىمىزدى كوردىم. بۇل مەن ءۇشىن ۇلكەن قۇرمەت. ولار - ۇلى ادامدار. دارىندارىمىزدى كوبەيتەمىن، دارىندارىمىز حالقىمىزدىڭ ءال- اۋقاتىن جاقسارۋ ءۇشىن قىزمەت ەتەتىندەي جاعداي جاسايمىز. ەكونوميكامىزدىڭ دامۋىنا ناقتى جوسپارىمىز بار، بارلىق ەلمەن ءتۇسىنىسىپ، قارىم- قاتىناسىمىزدى جاقسارتۋعا دەن قويامىز. ەشبىر ارمان ورىندالماي قالماۋى كەرەك، ەشبىر سىن ءبىز ءۇشىن اۋىر بولماۋى كەرەك، بارىنەن دە وتەمىز. امەريكا تەك ۇزدىككە قول جەتكىزەدى. حالقىمىزدىڭ تاعدىرى وڭ قادام باساتىنداي جاعداي جاسايمىز. ءبىز حالقىمىزدىڭ بولاشاعى جارقىن بولۋىر ارماندادىق، وسى ماقساتتا العا جۇرەمىز»، - دەدى دونالد ترامپ.
بۇل تۋرالى Tengrinews.kz دەپ حابارلادى.
