الەمگە ايگىلى قازاق كومپوزيتورى «بورات» فيلمىنىڭ اۆتورىمەن دوس بولىپ شىقتى
بۇل تۋرالى جۋرناليست ءاسيا باعداۋلەت قىزىنىڭ «حالىق ءسوزى» گازەتىنە جاريالانعان ماتەريالىندا ايتىلدى.
دالىرەك ايتقاندا مارات بەيسەنعاليەۆ ساشا بارون كوەننىڭ تۋعان اعاسى ەرران بارون كوەنمەن بىرلەسىپ جۇمىس ىستەگەن. كومپوزيتوردىڭ سوزىنشە، ەرران سول فيلمنىڭ مۋزىكاسىن جازعان ادام، سونداي-اق ول فيلمدەگى قازاقستان ءانۇرانىنىڭ اۆتورى.
مارات بيسەنعاليەۆ ءوز سۇحباتىندا ەرران بارون كوەنمەن قالاي تانىسقانى تۋرالى ايتىپ بەردى.
«بوراتتى» كورگەن سوڭ نامىستانىپ، «نە ىستەۋگە بولادى؟» دەپ ويلادىم. ەڭ دۇرىسى فيلمنىڭ اۆتورلارىمەن كەزدەسۋ دەپ شەشتىم. ساشا بارون كوەننىڭ ءوزىن تابۋ قيىن بولدى، اعاسى مۋزىكانت ەكەنىن بىلگەندە تەلەفونىن تاۋىپ الىپ، سويلەستىم. كەزدەسۋگە كەلگەنىنە تاڭ قالدىم.
بىردەن: «سىزگە قازاق تاقىرىبىندا تاپسىرىس بەرىپ، مۋزىكا جازدىرعىم كەلەدى. ونى Sony كومپانياسى شىعارۋعا كەلىسىپ وتىر» دەدىم. كەزدەسۋگە Sony كومپانياسىنىڭ باسشىسى كريس كرەكەرمەن كەلدىم. ارينە، ەرران كەلىستى. كەيىن ول جازعان «زەرە» لوندوندا جاقسى قابىلداندى.
وكىنىشتىسى، ەرراندى قازاقستانعا كەلۋگە كوندىرە المادىم، ول تۇسىنىكتى جاعداي، مۇندا كەلۋگە قورقادى. ءبىراق ەررانمەن دوستىعىمىزدىڭ ارقاسىندا ساشا بارون كوەن ادەبي وبرازىنان باس تارتتى. سودان بىلاي شوۋ-باعدارلامالارىندا بورات بولىپ شىقپايتىن بولدى. ءبىز ءۇشىن بۇل ۇلكەن جەڭىس بولاتىن. ويتكەنى بورات - كوەننىڭ ەڭ تابىستى وبرازى»، - دەيدى كومپوزيتور.
ەرراننىڭ ايتۋىنشا، ولار قازاقستاندى random kanji ياعني كەزدەيسوق تاڭداپ العان. فيلم اۆتورلارى و باستا وزبەكستاندى العىسى كەلىپتى. ءبىراق «وزبەكستاندى» ايتۋ قيىن دەپ شەشىپ، «قازاقستان» دەگەن ءسوزدىڭ ادەمى ەستىلەتىنىن ەسكەرە وتىرا، وسىعان توقتالعان.
مارات بەيسەنعاليەۆ بۇل فيلم تۇسىرىلمەي تۇرىپ ساشا بارون كوەننىڭ ۇلى بريتانالىق Channel 4 ارناسىندا وسى يميدجدى پايدالانا باستاعانىن ايتادى. كومپوزيتور بۇعان توقتاۋ سالۋ كەرەكتىگىن ايتىپ، بيلىككە دە جەتكىزگەن ەكەن. ءبىراق ول كەزدە بيلىك بۇعان ءمان بەرە قويماپتى.
«ەڭ ناشار جول كەۋدە سوعىپ، سوتقا جۇگىرۋ. قۇدايعا شۇكىر، قازاقستان ولاي ىستەگەن جوق. پرەزيدەنت بوراتتى قوناققا شاقىرىپ، ءتىپتى، «مەنىڭ قوناعىم بولسىن»، - دەدى. ءماسىموۆ تە ۆاشينگتوندا قالجىڭداي سالعانى بار. بايقاساڭىزدار، ۇلى ۇلتتار ءوز وزىنە كۇلگەندى جاقسى كورەدى. شوتلاندار، ەۆرەيلەر وزدەرى تۋرالى ءجيى ازىلدەيدى. ءبىراق ۇلتتىق نامىسى جوق دەي المايمىز عوي؟ ءبىز بۇل جولدان وتتىك جانە جاقسى وتتىك»، - دەيدى مارات بيسەنعاليەۆ.
