عارىشتان تۇسىرىلگەن كورىنىستەر زاڭ بۇزۋشىلىقتاردى انىقتاۋعا ىقپال ەتتى
«جەر زاڭىن ساقتايىق - جاپپاي ساتۋدى توقتاتايىق» جوباسىن جۇزەگە اسىرۋ بارىسىندا «قازاقستان عارىش ساپارىنىڭ» عارىشتىق تۇسىرىلىمدەرى پايدالانىلۋدا. جوبا اياسىندا تابيعاتتى قورعاۋ پروكۋراتۋراسى جالپى كولەمى 0,2344 گەكتار بولاتىن 9 مەملەكەتتىك جەر تەلىمىن زاڭنان تىس يەلەنىپ الۋ ارەكەتتەرىن انىقتادى. ولاردىڭ 0,1142 گەكتارى سۋ قورىنىڭ جەرى»، - دەلىنگەن حابارلامادا.
قاراعاندىلىق ازامات كىشى بۇقپا وزەنىنىڭ ماڭىندا دوڭگەلەك جوندەۋ شەبەرحاناسىن، اككۋمۋلياتور سەحىن، كونتەينەر مەن قورشاۋلاردى زاڭسىز سالىپ العان. ال، فەدوروۆ سۋ قويماسىنىڭ ماڭىندا ۇلكەن ءۇي پايدا بولعان.
«زاڭ بۇزۋشىلارعا 530 مىڭ تەڭگەدەن استام سوماعا ايىپ سالىندى. زاڭسىز يەمدەنگەن 3 جەر تەلىمى بوساتىلدى. تاعى 6 جەر تەلىمى بويىنشا، ءتيىستى جۇمىستار جۇرگىزىلۋدە»، - دەلىنگەن حابارلامادا.
بۇل زاڭ بۇزۋشىلىقتار ازاماتتاردىڭ ءتيىستى زاڭنامانى بىلمەۋىنەن تۋىنداعان دەگەن پىكىردە پروكۋراتۋرا قىزمەتكەرلەرى.
ق ر سۋ كودەكسىنىڭ 125- بابى سۋ نىساندارىنىڭ گيدرولوگيالىق جاعدايىنا زيانىن تيگىزۋى مۇمكىن، قۇرىلىستاردى جۇرگىزىپ، شارۋاشىلىقپەن اينالىسۋعا تىيىم سالادى. مەملەكەت يەلەگىندەگى جەرلەردى زاڭسىز باسىپ العانى ءۇشىن 75 ايلىق ەسەپتىك كورسەتكىش كولەمىندە ايىپپۇل قاراستىرىلعان. بۇل دەگەنىڭىز 160 مىڭ تەڭگەگە جۋىق قارجى.
