ميري پاز: مەن سۋۆانوۆتى ۇرلاۋدى جوسپارلاعان جوقپىن

بۇگىن الماتى اۋداندىق سوتىندا حامرو سۋۆانوۆتىڭ ىسىنە قاتىستى جارىس ءسوز ءوتتى. «قۇرمەتتى سوت، قۇرمەتتى پروكۋرور، قۇرمەتتى سوتقا قاتىسۋشىلار، مەن شىنىمەن دە سۋۆانوۆتى ۇرلاعان جوقپىن. مەن شىنىمەن ونى ۇرلاۋدى جوسپارلاعان جوقپىن. حامرو سۋۆانوۆتى ۇرلاۋ وقيعاسى بولماعانىنا كوزىم ابدەن جەتتى دەپ ەسەپتەيمىن»، - دەدى ميري پاز.

ءوز سوزىندە ول جابىرلەنۋشى قاماۋدا بولعان پاتەردە نە بولعانىن بىلمەگەنىن ايتتى. «حامرو، ءسىز مەنىڭ ارقامدا تابىس تاپتىڭىز. ءسىزدىڭ تەلەفون كوتەرمەگەن، بۇيىمداردى الىپ كەتكەن، ءسىزدى مەن ۇرلادى دەپ بەرگەن جاۋابىڭىز، ساتقىندىعىڭىز ماعان اۋىر ءتيدى»، - دەدى پاز. الايدا مەملەكەتتىك ايىپتاۋشى اتالعان قىلمىستىق ىستە ميري پاز باستى ءرول اتقارعانىن اتاپ ءوتتى.

ايتا كەتەيىك، بۇگىن ليليا راحقا مەملەكەتتىك ايىپتاۋشى ءاليا قايسوۆا 7 جىل 6 اي جەكە مۇلكىن تاركىلەي وتىرىپ، باس بوستاندىعىنان ايىرۋدى، «راح ءىسى» بويىنشا سوتتالۋشىلاردىڭ ءبىرى مير پازدى جەكە مۇلكىن تاركىلەي وتىرىپ، جالپى رەجىمدەگى كولونيادا 8 جىل 6 ايعا قاماۋدى، يسلام ميسيروۆ پەن باحىت شالبايەۆتى 8 جىلعا باس بوستاندىعىنان ايىرۋدى سۇرادى. مەملەكەتتىك ايىپتاۋشى سوڭعى ەكەۋىنىڭ دە جەكە مۇلكىن تاركىلەۋدى سۇرادى. ليليا راحتىڭ اۆدوكاتى قورعاۋىنداعى ازاماتشانىڭ ۋاقىتشا تەرگەۋ اباقتىسىندا دەنساۋلىعى ناشارلاۋىنا بايلانىستى ونى قاماۋدا ۇستاۋ تۋرالى سوت قاۋلىسىن ءۇي قاماققا اۋىستىرۋ نەمەسە كەپىلدىك ارقىلى بوساتۋ تۋرالى سوتقا ءوتىنىم بەرگەن. الايدا، سوت ليليا راحتى ۋاقىتشا تەرگەۋ اباقتىسىندا قاماۋدا ۇستاۋ مەرزىمىن 2016 -جىلدىڭ 15 -جەلتوقسانىنا دەيىن ۇزارتتى.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى