تۇتقىن بولعان وتانداستارىنىڭ قازاقستانداعى تاعدىرىن جاپونيا دەپۋتاتتارى نازاربايەۆتان ەستىدى

«ءبىزدىڭ جادىمىزدا جەر اۋدارىلىپ كەلگەن كەڭەستىك قازاقستاننىڭ قاتال جاعدايىمەن بەتپە-بەت كەلگەن جاپوندىق اسكەري تۇتقىنداردىڭ شىدامدىلىعى تۋرالى ەستەلىكتەر ءالى جادىمىزدا. مەن سىزدەرگە ەستە قالعان ءبىر وقيعانى ايتىپ بەرگىم كەلەدى. حاككايدانىڭ 15 جاستاعى تۇرعىنى احيكو تەتسۋرو اسكەري تۇتقىندارمەن بىرگە بۇرىنعى ك س ر و- عا تاپ بولىپ، وندا حالىق جاۋى رەتىندە 10 جىلعا سوتتالعان. دەگەنمەن، سول جاس ءوسپىرىمنىڭ ەشقانداي كىناسى جوق بولاتىن»، - دەدى ەلباسى.

مەملەكەت باسشىسىنىڭ اتاپ وتۋىنشە، ول قازاقستان جەرىندە 50 مىڭ جاپوندىق اسكەري تۇتقىندارمەن بىرگە 10 جىل جازاسىن وتەگەن، 24 جاسىندا تۇرمەدەن شىققان احيكو قازاق جەرىندە شاڭىراق كوتەرىپ، 2 بالانىڭ اكەسى اتانىپ، قازاقستاننىڭ ازاماتى بولعان.

«ستاليندىك لاگەرلەردىڭ سۇمدىقتارىنا قاراماستان ول قازاقستاندى ءوزىنىڭ وتانى سانادى. 50 جىل ءوتتى. ول تاريحي وتانىنا قايتا ورالا الدى. ءوزىنىڭ تۋعان- تۋىستارىمەن تابىستى. ولاردىڭ ۋاجدەرىنە قاراماستان ءوزىنىڭ وتانى سانايتىن قازاقستانعا قايتا ورالدى. قازىر ول 86 جاستا. احيكو قازىر ەلىمىزدىڭ قاراعاندى وبلىسىنىڭ قۇرمەتتى ازاماتى. ايەلى ەلەنامەن بىرگە 4 بالانى تاربيەلەپ وتىر. بۇل ءبىزدىڭ ەلدەرىمىز اراسىندا جاندى بايلانىس. قازاقتاردىڭ قايىرىمدىلىعى ونىڭ ءومىرىن ساقتاپ قالدى جانە ول قازاقستاندى جاقسى كورەدى»، - دەدى قازاقستان پرەزيدەنتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى