ق ر ۇلتتىق ەكونوميكا ءمينيسترى وزىنە قاراستى ۆەدومستۆودا مىڭعا جۋىق قىزمەت ورنىنىڭ بوس تۇرۋ سەبەبىن ايتپادى

بۇگىن ۇكىمەت وتىرىسىنان كەيىن ول وسى ماسەلەگە قاتىستى سۇراققا جاۋاپ بەرۋدەن باس تارتتى، دەپ حابارلايدى قازاقپارات ءتىلشىسى.

ايتا كەتەيىك، جاقىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ كەڭەيتىلگەن ماجىلىسىندە پرەزيدەنت اكىمشىلىگىنىڭ باسشىسى ادىلبەك جاقسىبەكوۆ ۇزاق ۋاقىت بويى بوس ورىنداردى ۇستاپ، جۇمىسقا ادام الماي جاتقان مينيسترلىكتەردى سىنعا الدى.

ونىڭ پىكىرىنشە، اتالعان مەملەكەتتىك ورگاندار رەزەرۆتە بار ادامداردى قىزمەتكە قويۋعا اسىقپاسا، ونداي ۆەدومستۆونىڭ شتاتىن قىسقارتۋ قاجەت. ماسەلەن، قارجى مينيسترلىگىندە 970 قىزمەت ورنى بوس تۇرسا، ۇلتتىق ەكونوميكا مينيسترلىگىندە - 900 دەن استام، ال اۋىل شارۋاشىلىعى مينيسترلىگىندە 280 قىزمەتكە ءالى ادام الا قويماعان. نەگە ول ورىندار بوس تۇر؟ بالكىم، سول مينيسترلىكتەردىڭ شتاتىن قىسقارتامىز. سونىڭ ارقاسىندا ءبىراز اقشانى ۇنەمدەۋگە بولادى"، - دەپ اتاپ كورسەتتى پرەزيدەنت اكىمشىلىگىنىڭ باسشىسى.

"ماعان تۇسىنىك بەرمەسەم بولا ما؟ مەنىڭ باسقا جۇمىستارىم بار. بۇگىن باسەكەلەستىك ماسەلەسى قارالدى. سوندىقتان كوممەنتاريي بەرمەي- اق قويايىن. ءقازىر ۋاقىتىم جوق"، - دەدى ق. بيشىمبايەۆ كەتىپ بارا جاتىپ. بۇعان دەيىن اۋىل شارۋاشىلىعى مينيسترلىگى وسى ماسەلەگە قاتىستى تۇسىنىكتەمە بەرگەن بولاتىن. سونداي- اق، بۇگىن ۇكىمەت وتىرىسىنان كەيىن قارجى ءمينيسترى باقىت سۇلتانوۆ تا مينيسترلىكتىڭ شتاتىن قىسقارتۋعا قاتىستى ءوز پىكىرىن بىلدىرگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى