باۋىر دونورى بولعان سوڭ بوسانعان قازاقستاندىق ايەل دارىگەرلەردى تاڭ قالدىردى

ءمادينا نۇرسۇلتان قىزى باۋىر ترانسپلانتاتسياسىنان سوڭ ساۋ ءسابيدى ومىرگە اكەلگەن العاشقى قازاقستاندىق اتاندى. بۇگىن ايەل پەرزەنتحانادان شىقتى.

بۇل تۋرالى 31- ارنا حابارلايدى.

ءمادينا ءوز باقىتىنا ءوزى سەنەر ەمەس. ول وسىمەن ءۇشىنشى ءسابيىن ومىرگە الىپ كەلىپ وتىر. جاس انا ءۇش جىل بۇرىن ءوزىنىڭ تۋعان اپكەسى ءۇشىن باۋىر دونورى بولعان. اۋىر وپەراتسيادان سوڭ ايەلگە بالا بوسانۋعا تىيىم سالىنعان. ءبىراق كۇيەۋى ەكەۋى قىزدى بولۋدى قاتتى ارمانداپتى.

«ءبىز كۇيەۋىمىز ەكەۋمىز قوناققا بارساق، ول كىشكەنتاي قىزداردى كوتەرىپ، جاقسى كورە قۇشاقتايتىن. قىزعانشاق اكەنىڭ ءبىرى: «نە، ايەلىڭنىڭ وزىڭە قىز تۋىپ بەرگەنىن قالاپ، وعان ايتا المايسىڭ با؟» دەدى. سودان كۇيەۋىم مەنى كوندىرە باستادى. «وپەراتسيادان وتكەندىكتەن ولاي بولمايتىنىن بىلەسىڭ عوي» دەيمىن مەن. باۋىر مەن اسقازان بولىگى جوق بولدى. ءبىراق، ول ءارقاشان قاسىمدا بولاتىنىن ايتتى»، - دەيدى ءمادينا.

سول ۋاقىتتان بەرى ءمادينا دارىگەرلەردىڭ باقىلاۋىندا بولعان. گەپاتولوگ، ينفەكتسيونيست، گينەكولوگ، تەراپيەۆت ماماندار ونى تۇراقتى تۇردە باقىلاپ، ىشتەگى ءسابيدىڭ دامۋىنا ءمان بەرگەن. وتاندىق دارىگەرلەر شەتەلدىك ماماندارمەن تاجىريبە الماسىپ، ولاردىڭ وسىنداي جاعدايداعى مۇمكىندىكتەرىن قاراستىرعان. جالپى، الەمدە ءدال وسىنداي جاعدايدا جۇكتى بولعان سەگىز عانا ايەل بار ەكەن. ال قازاقستان بويىنشا تەك جالعىز ءمادينا.

«ونىڭ ماقساتىما جەتەمىن دەگەن توزىمدىلىگى مەن ەرىك-جىگەرىنىڭ ارقاسىندا ول جۇكتى بولىپ، ءبارى جاقسى اياقتالاتىنىن دالەلدەپ بەردى. «ءسىز ۋايىمداماڭىز دارىگەر» دەپ مەنىڭ ءوزىمدى سابىرعا شاقىراتىن»، - دەيدى جۇكتىلىك پاتولوگياسى ءبولىم مەڭگەرۋشىسى تالعات پاتسايەۆ.

وتاندىق دارىگەرلەر سابيگە ايمەكەن دەگەن ەسىم بەرگەن. قازىر ءمادينانى ۇيىندە ەكى ۇلى كۇتىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى