وزبەكستان ءانۇرانىنىڭ اۆتورى ا ق ش- تا كوماعا ءتۇسىپ، قايتىس بولدى

وتكەن بەيسەنبى كۇنى اقىن بۇيرەگىنىڭ ىستەن شىعۋىنا بايلانىستى كوماعا ءتۇسىپ، حيۋستون كلينيكاسىنا جەتكىزىلگەن. وزبەكستان گيمنىڭ اۆتورى ابدۋللا اريپوۆ سوڭعى ەكى ايدا قىزى ماۆليۋدا اريپوۆانىڭ امەريكالىق تەحاس شتاتىنداعى ۇيىنە قوناقتاپ بارعان.

اريپوۆ 1941-جىلى وزبەكستاننىڭ قاشقاداريا وبلىسىنىڭ نەكۋز اۋىلىندا دۇنيەگە كەلگەن.

1963-جىلى جۋرناليستيكا فاكۋلتەتىن اياقتاعان سوڭ، ول ءتۇرلى باسىلىمداردا رەداكتور بولىپ ىستەدى، وزبەكستان جازۋشىلار وداعىنىڭ ءتوراعاسى قىزمەتىن اتقاردى. 1988-جىلى ول وزبەكستان اۆتورلىق قۇقىق جونىندەگى كوميتەتىنىڭ ءتوراعاسى قىزمەتىنە تاعايىندالعان.

2000-2001-جىلدارى ابدۋللا اريپوۆتىڭ ءتورت تومدىق شىعارمالار جيناعى جارىق كوردى. اقىننىڭ ولەڭدەرى الەمنىڭ كوپتەگەن تىلدەرىنە اۋدارىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى