كەشىككەن پويىزداردىڭ جولاۋشىلارى وتەم اقى الادى
دەپ حابارلايدى «جولاۋشىلار تاسىمالى» ا ق- نىڭ باسپا ءسوز قىزمەتى.
7 -قاراشادا 14 ساعات 15 مينۋتتا الماتى- وتار تەلىمىنىڭ ساز ستانساسىندا جولاۋشىلار پويىزدارىنىڭ قوزعالىسى قالپىنا كەلتىرىلدى. جولاۋشىلار پويىزدارى ساپارلارىن كەستەدەن كەشىگىپ جالعاستىردى.
«جولاۋشىلار تاسىمالى» ا ق جولاۋشىلاردى تاماقتاندىرۋدى ۇيىمداستىردى. جولاۋشىلار ءتيىستى ستانسالارعا جەتكەن سوڭ، كەشىككەن پويىزدارعا بايلانىستى «ق ر تەمىر جول كولىگى تۋرالى» جانە «جولاۋشىلار، باگاجدى جانە جۇك باگاجدارىن تەمىر جول كولىگىمەن تاسىمالداۋ ەرەجەسى تۋرالى» زاڭدارىنا سايكەس وتەماقى الادى»، دەلىنگەن حابارلامادا.
ەسكە سالا كەتسەك، كەشە تاڭعى 5 ساعات 18 مينۋتتا الماتى جول بولىمشەسىنىڭ الماتى- وتار جەلىسىندەگى ساز ستانساسىندا ەكىنشى جولدان №2851 جۇك پويىزىنىڭ 12 ۆاگونى شىعىپ كەتكەن بولاتىن. وقيعا ورنىندا الماتى جول بولىمشەسىنىڭ قالپىنا كەلتىرۋ پويىزى جۇمىس ىستەۋدە. 8 جولاۋشىلار پويىزى كەستەدەن كەشىكتى. اپات سەبەبىن انىقتاۋ ءۇشىن «ق ت ج» ۇ ك» ا ق جانىنان ارنايى كوميسسيا قۇرىلدى.
