قاراعاندى كوشەلەرىن تازالايتىن قۇنى ميلليارد تەڭگە تۇراتىن ارنايى تەحنيكا سىيعا تارتىلدى

«ارنايى تەحنيكالاردى ساتىپ الۋعا وبلىستىق بيۋدجەتتەن 1 ميلليارد تەڭگە بولىنگەن. بۇل قاراجاتقا فرونتالدى جۇكتيەگىشتەر، ارىق تازالاعىش ماشينالار، جولاۋشىلار اۆتوبۋسى، م ت ز امبەباپ تراكتورلارى، جول تازالاۋشى ماشينالار مەن ۆاكۋمدى شاڭسورعىشتار، اۆتوگرەيدەرلەر، ساموسۆالدار ساتىپ الىندى. ايتا كەتەرلىگى، ساتىپ الىنعان تەحنيكالار اراسىندا وتاندىق ءونىم دە بار».

«قاراعاندى - ۇلكەن قالا. بۇل جەردە 250 كوشە، بۇعان قوسا 210 ءارتۇرلى وتپە جولدار بار. سانيتارلىق تازالاۋدى تالاپ ەتەتىن الاڭنىڭ جالپى اۋماعى شامامەن بەس ميلليون شارشى مەتردى قامتيدى»، - دەپ اتاپ ءوتتى ايماق باسشىسى.

قالاعا مۇنداي باعالى سىيلىق ەل تاۋەلسىزدىگىنىڭ 25 جىلدىعى قارساڭىندا جاسالىپ وتىر. بۇل كوشەلەردى تازارتۋعا ارنالعان ارنايى تەحنيكا 2020 -جىلعا دەيىن ايماقتاردى دامىتۋعا ارنالعان باعدارلاما اياسىندا ساتىپ الىندى. بۇعان قوسا قاراعاندى كوممۋنالدىق قىزمەتتەرىنىڭ جۇمىسكەرلەرى ءبىرىڭعاي قىسقى جۇمىس كيىممەن قامتاماسىز ەتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى