سەناتور: تەرروريزمگە ارانداتۋشىلارعا دا ءولىم جازاسىن قولدانۋ كەرەك
دەپ حابارلايدى قازاقپارات.
«ونداي ادامداردى اتۋ كەرەك. بۇگىنگى قىلمىستىق كودەكسكە تەرروريزم ءۇشىن عانا ەمەس، ونى ۇيىمداستىرىپ، ادامدى ونداي ارەكەتكە يتەرمەلەگەنى ءۇشىن دە ءولىم جازاسىن ەنگىزۋ كەرەك. نەگە؟ سەبەبى تەررورلىق اكتىنى جاسايتىندار ول - ورىنداۋشىلار عانا. ولاردىڭ ميىن اينالدىرىپ، تەرروريزمگە بارۋعا يتەرمەلەدى. ول ءۇشىن ۇيىمداستىرۋشىلاردى اتۋ كەرەك»، - دەيدى س. اقىلباي.
سەناتوردىڭ ايتۋىنشا، راديكالدى يدەيالارعا بوي الدىرىپ كەتەتىندەر ءوز بالالارىن تاستاپ، قىلمىسقا بارىپ جاتادى. ال ولاردىڭ ارتىندا ارانداتۋشىلار بار. سولارعا قاتىستى جازانى كۇشەيتسە، دىنىمىزگە جات اعىمداردى ناسيحاتتايتىنداردىڭ سانىن ازايتۋعا بولاتىن ەدى.
«قازىرگى كەزدە قىتايدا، ساۋد ارابياسىندا ونداي جازا قاراستىرىلعان. امەريكا شتاتتارىنىڭ باسىم بولىگىندە تەرروريزمگە يتەرمەلەپ، ارانداتۋشىلىق جاساعانى ءۇشىن ءولىم جازاسى قولدانىلادى»، - دەپ اتاپ كورسەتتى سەناتور.
ايتا كەتەيىك، وتكەن اپتادا الماتىداعى اتىستا 10 ادامنىڭ ءومىرىن قيعان رۋسلان كۇلەكبايەۆ ءولىم جازاسىنا كەسىلدى. الايدا قازاقستاندا وسى ساناتتاعى جازاعا موراتوريي جاريالانعان. «پرەزيدەنت جارلىعىنا سايكەس، ەلىمىزدە ءولىم جازاسىنا قاتىستى سوت شەشىمدەرىن ىسكە اسىرۋ توقتاتىلدى. الايدا زاڭ بويىنشا سۋديالارعا ونداي شەشىم شىعارۋعا شەكتەۋ جوق. سوڭعى رەت قازاقستاندا ادامدى ءولىم جازاسىنا كەسۋ تۋرالى شەشىم ون جىل بۇرىن، 2006 -جىلى شىعارىلعان بولاتىن»، - دەلىنگەن باس پروكۋراتۋرانىڭ رەسمي حابارلاماسىندا.
قازاقستاندا ءولىم جازاسىنا موراتوريي جاريالاۋ تۋرالى جارلىق 2003 -جىلى جەلتوقسان ايىندا كۇشىنە ەنگەن بولاتىن. موراتوريدىڭ مەرزىمى شەكسىز. الايدا ول كەز كەلگەن ۋاقىتتا الىنىپ تاستالۋى مۇمكىن. وسىعان بايلانىستى ءولىم جازاسىنا كەسىلگەن ازاماتتار تۇرمەدە ۇستالادى.
اۆتور: ارمان اسقاروۆ
