الماتىدا ءورت ءسوندىرۋ موتوسيكلدەرى پايدا بولادى
قازىرگى ۋاقىتتا قالادا 15 ءورت ءسوندىرۋ بولىمدەرى قىزمەت ەتەدى، تيەسىلى نورمالارىنا سايكەس ولاردىڭ قىزمەت كورسەتۋ راديۋسى 3 شاقىرىم دەپ بەلگىلەنگەن.
قازىر قالادا جەدەل قيمىلداۋ نورماتيۆتىنىڭ ۋاقىتىنا ساي بولۋى ءۇشىن تاعى دا 15 ءورت ءسوندىرۋ ءبولىمى جەتىسپەيدى. كولىك كەپتەلىستەرى دە ءورت سوندىرۋشىلەردىڭ وقيعا ورنىنا دەر كەزىندە جەتۋىنە قيىندىق تۋدىرۋدا. جەدەل دەن قويۋدىڭ ورتاشا ۋاقىتى 13 مينۋت، كەيبىر جاعدايلاردا ءورت سوندىرۋشىلەر 20 مينۋتتا كەلەدى. وسى پروبلەمانى ءورت ءسوندىرۋ قىزمەتتەرىنىڭ بولىمشەلەرىن ورنالاستىرا وتىرىپ، جاڭا ءورت ءسوندىرۋ دەپولارىن سالۋ جولىمەن شەشۋ كەرەك ەكەنى ءسوزسىز. سونىمەن قاتار، ت ج د حالىقارالىق تاجىريبەنى زەردەلەي وتىرىپ، بولىمشەلەردىڭ كەلۋ ۋاقىتىن قىسقارتۋدىڭ شىعىنى از بالامالى ادىستەرىن قاراستىردى.
«الماتى-2020» دامىتۋ باعدارلاماسىنىڭ جەتى باسىمدىقتارىنىڭ ءبىرى - «قاۋىپسىز قالا». اكىمدىك اۆاريالىق- قۇتقارۋ تەحنيكاسىن جانە جابدىقتى، سونداي- اق حالىقتى قۇلاقتاندىرۋ قۇرالدارىن ساتىپ الۋعا تۇراقتى نەگىزدە قارجىلىق قاراجات بولۋدە. الماتى قالاسىنىڭ اكىمى باۋىرجان بايبەكتىڭ قولداۋىمەن الماتى قالاسىنىڭ توتەنشە جاعدايلار دەپارتامەنتى جىلدام دەن قويۋدىڭ موتوسيكلەت ەكيپاجى جوباسىن ەندىردى. قالا كوشەلەرىندەگى كەپتەلىستەر كەزىندە ءورت ءسوندىرۋ تاسىلدەرىنىڭ ءبىرى - ءورت ءسوندىرۋ موتوسيكلدەرىن پايدالانۋ. ءورت ءسوندىرۋ موتوسيكلدەرى رەسەي، ب ا ءا، قىتاي، گرەكيا، گەرمانيا جانە تۇركيادا ءساتتى قولدانىلۋدا.
قارقىندى جول قوزعالىسى جاعدايلارىندا جەدەل دەن قويۋدىڭ وسىنداي وڭ تاجىريبەسى تۋرالى قالا اكىمىنە باياندالدى. وسى ۇسىنىستى قالا باسشىلىعى قولداپ، اعىمداعى جىلى 4 ءورت ءسوندىرۋ موتوسيكلدەرىن ساتىپ الۋعا قاراجات ءبولىندى. جاڭالىق قازاقستاندا العاش رەت قولدانىلىپ وتىرعانىن اتاپ ءوتۋ قاجەت.
الماتى قالاسى ت ج د ارنايى تاپسىرىسى بويىنشا جاسالعان «ياۆا-660» ءورت ءسوندىرۋ- قۇتقارۋ موتوسيكلدەرى ءورت سوندىرگىش زاتتى جوعارى جىلدامدىقتا بەرەتىن ارقاعا ىلىنەتىن يمپۋلستى ءورت ءسوندىرۋ جۇيەسىمەن جابدىقتالعان، سونداي- اق سۇيىقتى ءورت سوندىرگىش، دارىگەرگە دەيىنگى مەديتسينالىق كومەك كورسەتۋ ءۇشىن «فەلدشەرلىك» بۇيىمدار مەن قۇرالدار جيىنتىعى، كەسۋگە جانە اشۋعا ارنالعان ارالاس اۆاريالىق- قۇتقارۋ قۇرالدارى بار. ولاردىڭ مىندەتى - وقيعا ورنىنا (ونىڭ ىشىندە ج ك و) جەدەل جەتۋ، الماتى قالاسى ت ج د نەگىزگى كۇشتەرى كەلگەنگە دەيىن ءورتتى وقشاۋلاۋ. بۇگىنگى كۇنى 18 ءورت ءسوندىرۋشى مامان ەكسترەمالدى جۇرگىزۋ بويىنشا دايارلىقتان ءوتىپ، سەرتيفيكات الدى. ءورت ءسوندىرۋ- قۇتقارۋ موتوسيكلدەرىن ەندىرۋدىڭ تيىمدىلىگىن الماتىلىق قۇتقارۋشىلار جاۋىنگەرلىك كەزەكشىلىكتەردە قولدانۋ شاماسى بويىنشا باعالاي الادى دەپ جوسپارلانىپ وتىر.
