نازاربايەۆ جاپونيا يمپەراتورىمەن كەزدەستى
كەزدەسۋ بارىسىندا قازاقستان مەن جاپونيا اراسىنداعى قازىرگى قارىم-قاتىناستىڭ احۋالى جانە ونى الداعى ۋاقىتتا قارقىندى دامىتۋ پەرسپەكتيۆالارى تالقىلاندى.
نۇرسۇلتان نازاربايەۆ ەكى ەلدىڭ ءتۇرلى سالاداعى ءوزارا ءىس-قيمىلىنا، سونىڭ ىشىندە جاپونيانىڭ استانادا وتەتىن الەمدىك جانە ءداستۇرلى دىندەر كوشباسشىلارىنىڭ سەزىنە تۇراقتى تۇردە قاتىسىپ كەلە جاتقانىنا توقتالىپ، بۇل ەلمەن حالىقارالىق قاۋىپسىزدىكتى قامتاماسىز ەتۋ، اتاپ ايتقاندا، يادرولىق قارۋدى تاراتپاۋ جانە قارۋسىزدانۋ سالاسىندا سەنىمدى سەرىكتەستىك ورناعانىن ايتتى.
قازاقستان پرەزيدەنتى جاھاندىق قاقتىعىستاردى رەتتەۋگە جانە ءوڭىردىڭ تۇراقتى دامۋىنا ىقپال ەتۋگە جاپونيانىڭ باعا جەتپەس ۇلەس قوسقانىن اتاپ ءوتتى.
بۇدان بولەك، نۇرسۇلتان نازاربايەۆ 2017-2018-جىلدارى ەلىمىز ب ۇ ۇ- نىڭ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە جاۋاپتى ميسسيا اتقارۋ بارىسىندا يادرولىق قارۋسىز الەم قالىپتاستىرۋ، ەنەرگەتيكا، ازىق-تۇلىك جانە سۋ قاۋىپسىزدىگى ماسەلەلەرىن شەشۋگە باعىتتالعان شارالاردى قولعا الاتىنىن جەتكىزدى.
