حوككەي جارىسى جاپپاي توبەلەسكە ۇلاستى - كەسكىن
الدىمەن «كەناكس» كومانداسىنىڭ فورۆاردى ياننيك حانسەنگە نازەم كادريدىڭ ارەكەتى ۇناماي قالىپ، وعان بىرنەشە سوققى بەردى. بۇدان سوڭ دەرەك دورسەتت پەن لەو كوماروۆ جۇدىرىقتاستى.
ولاردىڭ ءىزىن الا «ۆانكۋۆەر» كومانداسىنىڭ فورۆاردى الەكس بەرروۋز «تورونتو» كومانداسىنىڭ مۇشەسى مورگان رايلليمەن توبەلەسىپ قالدى.
ەڭ «قىزىعى» «ۆانكۋۆەر» كومانداسىنىڭ الاڭىندا «تورونتو» مۇشەسى مەتت مارتين مەن تروەم ستەكحەرمەن توبەلەسكەندە باستالدى. ەكى سپورتشى ءبىر-ءبىرىن تومپەشتەپ جاتقاندا قاقپاشى رايان ميللەر ءوزىنىڭ كوماندالاسىنا قولداۋ كورسەتتى.
وسى ساتتە جاپپاي توبەلەس باستالدى. وعان ەكى كوماندانىڭ دا قاقپاشىلارى ارالاستى. ەكى قاقپاشى دا ماتچ سوڭىنا دەيىن ويىننان الاستاتىلدى. ويىننىڭ سوڭعى مينۋتتارىندا قاقپانى ياكوب ماركسترەم مەن يوناس ەنروت كۇزەتتى.
