رەسەيدەگى جارىستاردىڭ بىرىندە جاسوسپىرىم بوكسشى قايتىس بولدى
استانا. قازاقپارات - رەسەيدىڭ ۆلاديمير وبلىسىنا قاراستى تەرگەۋ باسقارماسىنىڭ وكىلدەرى جەكسەنبى كۇنى بوكستان ءوتىپ جاتقان جارىسقا قاتىسقان 15 جاسار بوكسشىنىڭ ولىمىنە قاتىستى قىلمىستىق ءىس قوزعالعاندىعىن ايتتى، دەپ حابارلايدى utro.ru سايتى.
وليمپيادا رەزەرۆىنىڭ ارنايى مامانداندىرىلعان بالالار مەن جاسوسپىرىمدەر سپورت مەكتەبىنىڭ وقۋشىسى وزگە سپورتشىلارمەن بىرگە 2016-جىلدىڭ 3-قاراشاسى كۇنى ءوتۋى ءتيىس جارىسقا جىبەرىلگەن. جارىستىڭ ءۇشىنشى كۇنىندە جاسوسپىرىم بوكسشى ەكى رەت نوكداۋن العان.
وسى ساتتە سايىس توقتاتىلىپ، بالا دىرىلدەپ اۋىرا باستايدى. وعان كومەككە كەلگەن دارىگەرلەر دە ەشتەڭە ىستەي المادى. بالا رەانوموبيلدە كەتىپ بارا جاتىپ كوز جۇمدى. قازىرگى تاڭدا قۇقىق قورعاۋ ورگاندارى (ءوزىنىڭ ماندەتىن دۇرىس اتقارماۋدىڭ سالدارىنان بايقاۋسىزدا ادام ءولتىردى) دەگەن باپپەن قىلمىستىق ءىس قوزعادى. قۇقىق قورعاۋ قىزمەتكەرلەرىنىڭ ايتۋىنشا، بالا وسىدان بىرنەشە جىل بۇرىن اۋىر جاراقات العان. ودان كەيىن جاسوسپىرىمنىڭ ءومىرى ءجىتى قاداعالاۋدا بولۋى قاجەت ەدى.
