شاحماتشى ءبيبىسارانىڭ اناسى رەسەيگە نەلىكتەن كەتىپ قالعاندارىن ايتىپ بەردى

بۇل تۋرالى ru.sputniknews.kz حابارلايدى.

«مەنىڭ العاشقى باپكەرىم الماتىلىق مامان ولەگ ديۋبا بولدى. ول العاشقىدا مەنى كومانداسىنا العىسى كەلگەن جوق، ويتكەنى ونىڭ كۋرسى وتە تابىستى ۇجىم ەدى. سوسىن مەن رەسەي قۇراماسىنا نازار سالدىم، ول قۇراما ماعان وتە قاتتى ۇنادى»، - دەيدى ءبيبىسارا.

«مۇندا بارلىق سپورت ءۇشىن، ونىڭ ىشىندە شاحمات ءۇشىن دە ۇلكەن مۇمكىندىكتەر قاراستىرىلعان. اسىرەسە، جاس بالالاردى ۇلكەن سپورتقا كاسىبي تۇرعىدا دايىنداپ، ولاردى ىنتالاندىرا بىلەدى. ويلانا كەلە وسىندا كوشۋ كەرەك دەگەن شەشىم قابىلدادىق»، - دەيدى اناسى.

قازاقستاندا ايەلدەر اراسىنداعى رەيتينگتە ءبيبىسارا 4- ورىندا بولعان. ال قازىر رەسەي رەيتينگىندە 33- ورىندا ەكەن. سپورتشىنىڭ اناسى رەسەيدىڭ وتە ۇلكەن ەل ەكەنىن ەسكەرە وتىرىپ، بۇل الدەقايدا جاقسى كورسەتكىش دەيدى.

«بىزگە پاتەر سىيلادى. ازىرگە ازاماتتىق المادىق. ازاماتتىق العان كەزدە ول پاتەرگە بىزگە ءومىر بويى قالاتىن بولادى»، - دەيدى اناسى.

ال ءبيبىسارانىڭ ايتۋىنشا، ول باتۋميدە وتكەن چەمپيونات كەزىندە جەڭىمپاز اتانىپ، كاسىبي مانسابىنداعى كەزەكتى جەڭىسىنە قول جەتكىزدى. ال سول ساتتە رەسەي ءانۇرانى وينالعاندا، ول ءوزىن شەكسىز باقىتتى سەزىنگەن. بۇعان دەيىن شاحمات فەدەراتسياسى ءبيبىسارا اساۋبايەۆانىڭ رەسەي قۇراماسىنا اۋىسىپ كەتۋىنە قاتىستى پىكىر بىلدىرگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى