اشا مەن ارمان قىزدارىنىڭ ەسىمىن كىم دەپ قويدى؟
كۇنى كەشە اشا پەرزەنتحانادان شىقتى. ال قىزدارىنىڭ ەسىمىن اسىلىم دەپ قويدى.
بۇل تۋرالى Stan.kz حابارلايدى.
اشا ماتاي مەن ارمان قوڭىربايەۆ جۇرتپەن قۋانىشتارىن ءبولىستى. جۇلدىزدى وتباسىندا قىز بالا دۇنيەگە كەلدى. جاڭالىقتى العاشقىلاردىڭ ءبىرى بولىپ تەلەجۇرگىزۋشىنىڭ قۇربىلارى جەتكىزدى. ەندى مىنە اشانىڭ ءوزى اياق-قولىن باۋىرىنا العانىن ايتىپ جاتىر.
«اللا تاعالاما مىڭ العىس! اتا-انا اتاندىق. ادامدى دۇنيەگە اكەلۋ وڭاي ەمەس. ءوز باسىم قاتتى قينالدىم. بۇل ۋاقىتتا مەنىڭ جانىمدا بولعان اناشىمنىڭ ارقاسىندا شىدامىم جەتىپ، ءسابيىمدى قۇشاعىما الدىم. راحمەت، اناشىم! بىزدەردى جان-جاقتان قۇتتىقتاپ جاتقان تۋىسقاندارىمىزعا، دوستارىمىزعا، قۇربىلارىمىزعا، تىڭدارمان-كورەرمەندەرىمىزگە ريزاشىلىعىمدى بىلدىرەمىن! ءار ۇيدەن بالانىڭ كۇلكىسى كەتپەسىن»، - دەيدى اشا ماتاي.
كۇنى كەشە اشا ماتاي مەن قىزى پەرزەنتحانادان شىقتى. ولاردى بارشا دوسى مەن تۋعان-تۋىسقانى كۇتىپ الدى. ولار اشا مەن قىزىنا اق تىلەكتەرىن جاۋدىرىپ، سىيلىقتارىن تابىستادى. ال قۋانىشى قوينىنا سىيماي جۇرگەن ارمان قوڭىربايەۆ قىزىنىڭ ەسىمى تۋرالى ايتىپ بەردى. ولار قىزدارىنىڭ اتىن اسىلىم دەپ قويعان ەكەن. ەستەرىڭىزدە بولسا، ايقىن تولەپبەرگەن دە قىزىنىڭ ەسىمىن وسىلاي قويعان بولاتىن.
جەلى قولدانۋشىلارى ءوز كەزەكتەرىندە جۇلدىزدى جۇپتىڭ قۋانىشىنا ورتاقتاستى. ولارعا دەگەن جىلى لەبىزدەرىن جەتكىزىپ، زور دەنساۋلىق تىلەدى.
«باۋى بەرىك بولسىن! قۇدايدىڭ سىيى عوي! پەرىشتەنىڭ دەنساۋلىعى مىقتى بولسىن»، «ارمان باۋىرىم، قىزىڭنىڭ باۋى بەرىك بولسىن! مەن قۋانىشتارىڭا ورتاقپىن»، «بالاپاننىڭ باۋى بەرىك بولسىن! ارمان، اقبوتا باقىتتى بولىڭدار. كىشكەنتايلارىڭ كوپ بولىپ، قارتايعانشا ولاردىڭ قىزىعىن كورىڭدەر» دەيدى جەلى قولدانۋشىلارى. اراسىندا اشانىڭ اناسىنىڭ جىمىيمايتىنىن تىلگە تيەك ەتىپ، جاعىمسىز پىكىر بىلدىرگەندەر دە بولدى.
