نەلىكتەن ەركەكتەر كوزگە ءشوپ سالادى؟
سەمەن سلەپاكوۆتىڭ «بارلىق ەركەك كوزگە ءشوپ سالادى» دەگەن ءانىن ەستىگەن بولارسىزدار. 100 پايىزدىڭ 0,1 پايىزى ونداي ەمەس، ارينە. سونداي ساناۋلى ەركەكتەر تىزىمىنە كىرمەيتىندەر تۋرالى ەمەس بۇل جازبا.
بۇل تۋرالى «ارۋلار» باسىلىمى جازدى.
ەركەكتەر جالپى سەكسكە باسقاشا قارايدى. ايەلدەر ءۇشىن بۇل ماحاببات، سەزىم، ەموتسيادان قۇرىلعان اكت بولسا، ەركەكتەر ءۇشىن بۇل قاراپايىم فيزيكالىق ءۇردىس. ءبىر رەت، ءتىپتى، بىرنەشە رەت توسەكتەس بولعان ادام ولار ءۇشىن جاقىنى بولىپ كەتپەيدى. وسى تۇرعىدا كوڭىلدەس پەن ايەلدىڭ ايىرماسىن ءبىلىپ وتىرىڭىز.
ول ايەلدەردىڭ اڭقاۋ، كەشىرىمدى ەكەنىن بىلەدى
ارينە، ەركەكتەر ءوز قىلمىسى اشىلمايدى دەپ ويلايدى. ءتىپتى نۇرعايشانى نۋريك دەپ ساقتاپ، وسىمەن قاتىردىم دەپ ويلاۋى مۇمكىن. تۇنگى ساعات ون ەكىگە دەيىن جۇمىس جاسايتىن ەڭبەكقور ەكەنىنە سەنەدى دەپ تە ويلايدى. ول ءتۇن جارىمدا مەيرامحانادان تويىپ كەلىپ، ءسىز جاساعان كارتوپتى دا قارنى اشقان كەيىپپەن تاۋىسىپ قويا الادى. ەگەر ايەلى وعان ماڭىزدى بولسا، بار ءادىس-تاسىلىمەن ارتىن جاۋىپ، ۇستالماۋعا تىرىسادى. ال ايەل وعان ونداي ماڭىزدى بولماسا، جاسىرۋعا دا تىرىسپايدى. ال ۇستالسا، ءسىزدىڭ ءبىر جىلاپ الىپ كەشىرەتىنىڭىزدى دە جاقسى بىلەدى.
ول ناعىز ماحابباتىن ءالى تاپپادى
كۇيەۋىڭىز نە جىگىتىڭىز تەك اقشا ءۇشىن سۋقانى سۇيمەيتىن جۇمىسپەن اينالىسىپ، «وسىدان اقشا تاۋىپ، اياعىما تۇرعاندا ءبارىن تاستايمىن» دەي مە؟ ولارعا كەيدە ءوزى قالامايتىن دۇنيەمەن اينالىسۋعا تۋرا كەلەدى. ايەل ەموتسياعا بەرىلسە، ەركەكتەر ونداي ەمەس. مىندەت پە - جاسايدى. قالاماسا دا. ايەلمەن قارىم-قاتىناستا دا سونداي جاعدايلار بولادى. ەل قاتارلى قىزعا بارۋ كەرەك. ءتىپتى ۇيلەنۋ دە قاجەتتىلىكتەن تۋىنداۋى مۇمكىن. قازاقى مەنتاليتەتتى بىلەسىز عوي. ءۇي ءىشى ۇيلەن دەپ، ۇيلەندىرەدى. ول قالاماۋى مۇمكىن. ءبىراق قاجەت بولسا، امال بار ما.
سەزىم سۋىدى
ۇيدەگى قارىم-قاتىناس، سەزىم، ءلاززات سالقىندادى. تۇپتەپ كەلگەندە، ءسىز دە بۇرىنعىداي ەمەسسىز. ەركە ەلىك دەگەنى بۇزاۋعا اينالدى. كۇلىمدەگەن نازدى قىز، اسەم شاشتى، ادەمى كويلەكتى سۇلۋ شاشى ماي باسقان، سوزىلعان فۋتبولكاسىن تاستامايتىن، بىردە بۇرقىلداپ، بىردە شارشاپ جۇرەتىن ايەلگە اينالدى. سويلەسەتىن اڭگىمە شە؟ وتباسى، تۋعان-تۋىس، كورشى-قولاڭ وسەگى، ودان اسسا دۇكەندەگى ساتىلىمدارمەن شەكتەلەدى. كەشكە تەلەفون سوعىلعاندا ارۋى ساعىنعانىن ەمەس، دۇكەننەن الا كەلەتىن زاتتار ءتىزىمىن ايتادى.
ءارقاشان الدانۋعا (الداۋعا) قارسى ەمەس سىلقىم تابىلادى
ەركەكتەر ايەلدىڭ كوزىنە ءشوپ سالعاندا ءدال سونداي اڭقاۋ، پەرىشتەدەي پاك قىزبەن ءجۇرۋى سيرەك. ول قىزدار سەزسە دە، بىلمەۋگە تىرىسادى. كوبىسى ءتىپتى ءسىزدىڭ بار ەكەنىڭىزدەن حاباردار. وندا ءسىز تۋرالى بەلگىلى ءبىر ويدىڭ قالىپتاسۋى دا مۇمكىن. ءسىزدىڭ ءالسىز تۇستارىڭىزدى ءبىلىپ، سىزدەن ارتىق بولىپ كورىنۋگە بار كۇشىن دە سالۋى عاجاپ ەمەس. سوندىقتان دا بۇل ادىلەتسىز سوعىستا ونىڭ جەڭۋ ىقتيمالدىلىعى جوعارىراق.
كۇيزەلىسپەن كۇرەس قۇرالى
ءيا، ەركەكتەردىڭ جۇمىسى اۋىر. ءسىزدىڭ قارا شاي مەن قارا نان ەمەس، كاپپۋچينو مەن تيراميسۋ جەۋىڭىز ءۇشىن كوپ ەڭبەك ەتەدى. باستىقتىڭ دىكىڭدەۋى، توپاس كليەنتتىڭ ايقاي-شۋى، جالقاۋ ارىپتەسىنىڭ ەنجارلىعى، قاقشاڭداعان دەدلاين، بىتپەيتىن جۇمىس، قالا بەردى بالا-شاعا، تۋعان-تۋىستارىنىڭ پروبلەماسى - وسىنىڭ بارلىعى اۋىر سترەسسكە اكەلەدى.
بىرەۋلەر سترەسىن باسۋ ءۇشىن ىشىمدىك ىشەدى، بىرەۋى تەمەكى شەگەدى، دوستارىمەن كەزدەسەدى. ال بىرەۋلەر قىزعا بارادى. قىزعا بارعاندا، كەيبىر ەركەكتەرگە قاراپايىم ءداستۇرلى سەكس جەتكىلىكسىز بولۋى مۇمكىن. الدە وعان كۇش كورسەتۋ ەلەمەنتتەرى ۇناي ما؟ سويلەسىپ كورىڭىز، ءسىز دە سەكستى تۇرلەندىرە الاتىنىڭىزدى اقىرىنداپ جەتكىزىڭىز.
بويىندا اڭشىلىق ينستينكتى بار
كەي ەركەكتەردىڭ ايەلدەرى يدەال بولۋى مۇمكىن. ءبىراق ول ءبارىبىر كوزگە ءشوپ سالادى. ءتىپتى ناقسۇيەرىنىڭ وزىنە دە. مۇنداي ماچولاردىڭ پسيحولوگيالىق ءبىتىمى سونداي. ولاردى ەشتەڭە وزگەرتپەيدى. قىز-كەلىنشەكتەرگە كەڭەس. كۇيەۋىڭىزدىڭ قىلمىسىن ءبىلدىڭىز. ودان جاعدايدى مويىنداپ، تاپتىشتەپ بار شىندىقتى اقتارۋىن سۇراماڭىز. شىندىق ءسىز ويلاعاننان دا اۋىر بولۋى مۇمكىن. جالپى، ەركەكتىڭ تەلەفونىنا، قالتاسىنا، ءتىپتى جەكە ومىرىنە (ءيا، ءيا، كۇيەۋىڭىزدىڭ دە ءوز كەڭىستىگى بولۋى ءتيىس) قول سۇقپاڭىز.
ەركەكتىڭ باسقاعا كوز سالۋىنا ونىڭ اقىماقتىعى ەمەس، ءسىز دە كىنالىسىز. بىرىنشىدەن، دۇرىس تاڭداۋ جاسامادىڭىز. ودان دا ستۋدەنت كەزىڭىزدە ارتىڭىزدان جۇگىرىپ جۇرگەن ەربولعا شىعۋ كەرەك ەدى. ءبىراق ءسىزدى جان-تانىمەن سۇيەتىن، ادال ەربول دا كوزىڭىزدى الا بەرە قىزدارعا كوز قىسۋى مۇمكىن عوي. سەبەبى ءسىز دە بۇرىنعى سۇلۋلىعىڭىز بەن نازىڭىزدى ساقتاي المادىڭىز.
