كۇلەكبايەۆ جەكە كامەرادا وتە قاتاڭ جاعدايدا ۇستالادى
«سىزدەرگە قىلمىستىق ىستەر جونىندەگى الماتى اۋدانارالىق سوتىنىڭ ءتوراعاسى مارتپەك كاكىمجانوۆتىڭ رۋسلان كۇلەكبايەۆتىڭ ءىسى جونىندەگى تۇسىندىرگەن ۆيدەوسىن ۇسىنامىن. ۇكىم زاڭدى كۇشىنە ەنبەگەنىنە قاراماستان، ءبىراق ءىستىڭ الەۋمەتتىڭ جەلىدە ۇلكەن رەزوناس تۋدىرعان ماسەلەلەرگە، اتاپ ايتقاندا، ءولىم جازاسىنىڭ بەرىلۋىن، جاسالعان قىلمىس جانە وعان ۇكىمنىڭ شىعارىلۋىنىڭ زاڭدىلىق نەگىزىن ءتۇسىندىرۋدى ۇسىندىق»، - دەگەن پىكىرىمەن ءبولىستى ۆيدەودا الماتى قالالىق سوتىنىڭ اقپاراتپەن قامتۋ ءبولىمىنىڭ جەتەكشىسى دياس ماحامبەتوۆ.
سۋديا لاڭكەس كۇلەكبايەۆقا ءولىم جازاسى بەرىلگەندىگىن ەسكە سالدى. «وسى ماسەلەگە بايلانىستى تۇسىنىك بەرمەكپىن. قازاقستان رەسپۋبليكاسى كونستيتۋتسياسىىنىڭ 15- بابىنا سايكەس، سونداي-اق قىلمىستىق كودەكستىڭ 47- بابىمەن ءولىم جازاسى - ەڭ اۋىر قىلمىستىق جازا رەتىندە ادامداردىڭ ولىمىنە اكەلگەن لاڭكەستىك قىلمىسى ءۇشىن بەرىلەدى. بۇعان قوسا قولدانىستاعى قىلمىستىق زاڭناما ەڭ اۋىر جازا - ءولىم جازاسىن تاعايىنداۋعا تىيىم سالا المايدى. ق ر پرەزيدەنتىنىڭ 2003-جىلعى 17- جەلتوقسانداعى 1251№ جارلىعىمەن ەلىمىزدە ءولىم جازاسىنا موراتوري ەنگىزىلگەن. پرەزيدەنت جارلىعى قازاقستان تەرريتورياسىندا مۇلتىكسىز ساقتالۋى ءتيىس زاڭ بولىپ تابىلادى. سوندىقتان كۇلەكبايەۆ موراتوري كەزىندە جەكە كامەرادا وتە قاتاڭ جاعدايدا ۇستالادى»، - دەدى مارتپەك كاكىمجانوۆ.
