الماتىدا تانىمال اقىن، جازۋشى ادىلبەك ىبىرايىم ۇلىنىڭ جىر كەشى ءوتتى
كەشتە قازاقستان جازۋشىلار وداعى باسقارماسى ءتوراعاسىنىڭ ورىنباسارى عالىم جايلىباي اقىندى قۇتتىقتاپ، وداقتىڭ اتىنان اباي قۇنانبايەۆتىڭ ءمۇسىنىن سىيعا تارتتى.
ساحنادا ءسوز العان كەش يەسى اقىن ادىلبەك ىبىرايىم ۇلى تاۋەلسىزدىك جانە استاناعا ارناعان ەكى تىڭ جىرىن ادەبيەت سۇيەر وقىرمانعا وقىپ بەردى. «بۇگىنگى كەشكە ۇستازدارىم، جىر سۇيەر جاستار جينالدى. وسىنىڭ بارلىعى تاۋەلسىزدىكتىڭ ارقاسى دەپ ويلايمىن. ءبىز تاۋەلسىزدىك العان باقىتتى ەلمىز. سوندىقتان، جىر كەشىمدى تاۋەلسىزدىك دەگەن ولەڭمەن اشقىم كەلىپ وتىر، - دەگەن اقىن ءوز ولەڭىن وقىپ بەردى. كەشتە قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى، استاناداعى قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ارتىستەرى مەن استانا جاستار تەاترىنىڭ انشىلەرى ونەر كورسەتتى. اقىننىڭ جىرلارى وقىلىپ، تانىمال قالامگەرلەر جىلى لەبىزدەرىن ءبىلدىردى.
ايتا كەتەيىك، ادىلبەك ىبىرايىم ۇلى قالىڭ وقىرمانعا «زاۋ- قايىر» رومان- تريللەرى، «ميزام كوك»، «ادام- حايۋان» رومانى جانە ءپىر مەن پىراق، مەرەيلى مەكەن، اق تاماق قارلىعاشتار، سۇمبىلە شۋاعى، سىندى جىر داستان جيناقتارىمەن تانىمال.
