قازاقستان عالىمدارى قايتا ينسۋلت الۋدان ساقتانۋ جولدارىن ويلاپ تاپتى
بۇل تۋرالى «ۇلتتىق عىلىمي- تەحنيكالىق اقپارات ورتالىعى» ا ق باسپا ءسوز قىزمەتى حابارلادى.
مەديتسينا ماماندارى وبلىستىق كلينيكالىق اۋرۋحانانىڭ ينسۋلت بولىمىندە جاتقان ناۋقاستارعا ەم- شارالار جۇرگىزىپ، ميىنا قان قۇيىلعان ادامداردى ەمدەۋدىڭ ءتيىمدى جولىن ازىرلەدى. عىلىمي جوباعا مەديتسينا عىلىمدارىنىڭ كانديداتى، دوتسەنت ا. ا. الدەشيەۆ جەتەكشىلىك ەتتى.
ەم- شارا جۇمىستارىن جۇرگىزگەن ماماندار ميىنا قان قۇيىلىپ توسەككە تاڭىلعان ادامداردىڭ تەز ارادا وڭالىپ، كۇندەلىكتى ومىرگە قايتا ورالۋى ءۇشىن بار كۇش- جىگەرىن جۇمساعان. ءوز كەزەگىندە دارىگەر- عالىمدار ادامداردىڭ ەكىنشى رەت ينسۋلت الماۋى ءۇشىن ارنايى پروفيلاكتيكالىق ءىس- شارالار جوسپارىن ازىرلەگەن. سونىمەن قاتار ناۋقاستاردىڭ پسيحولوگيالىق جاعدايىن جان- جاقتى زەرتتەپ، ولاردىڭ ومىرگە دەگەن قۇشتارلىعىن ارتتىرۋعا كۇش سالعانىن ايتا كەتۋىمىز كەرەك.
ناتيجەسىندە ءبىر رەت ميىنا قان قۇيىلىپ، دارىگەرلەردىڭ كومەگىنە جۇگىنگەن جانداردىڭ ەكىنشى رەت ينسۋلت الۋى ايتارلىقتاي تومەندەگەن. قازىرگى تاڭدا وڭتۇستىك قازاقستان وبلىسى مەملەكەتتىك فارماتسيەۆتيكالىق اكادەمياسىنىڭ ماماندارى ازىرلەگەن پروفيلاكتيكالىق ءىس- شارالار جوسپارى وبلىستىق كلينيكالىق اۋرۋحانادا كەڭىنەن قولدانىلىپ، ءوز ناتيجەسىن بەرە باستاعان.
