ميسيروۆ پەن شالبايەۆ حامرو سۋۆانوۆتى قاماۋدا ۇستاۋ سەبەبىن ايتتى
بۇگىن المالى اۋداندىق سوتىندا حامرو سۋۆانوۆتى ۇرلاعان كۇدىكتىلەرگە قاتىستى جاۋاپ الۋ جالعاستى. ءبىرىنشى يسلام ميسيروۆ جاۋاپ بەردى. ول سوتقا جابىرلەنۋشىنى سىرتتاي بىلەتىنىن، ياعني ول ليليا راحتىڭ قولاستىندا جۇمىس ىستەيتىنىن، ميري پازمەن بايلانىستا ەكەنىن بىلەتىنىن ايتتى. ميري پازبەن جابىرلەنۋشى 2 جىلداي بىرگە جۇمىس ىستەگەن.
پاز وعان زاڭگەرلىك كومەككە جۇگىنەتىن، اتاپ ايتقاندا كۇزەت، ۆيدەوباقىلاۋ شارتتارىن تەكسەرتەتىن. كەيدە وتباسىلىق ىستەرگە كومەكتەسكەن: پازدىڭ اتا-انالارىنا ءدارى ساتىپ الاتىن. ول ليليا راحتى دا سىرتتاي تانيتىنىن ايتتى. ايىپتالۋشى شالبايەۆپەن ۋنيۆەرسيتەتتەگى كەزىنەن تانىس، ولار بىرنەشە جىلدان بەرى دوستىق قارىم- قاتىناستا ەكەن. ءوزى بەرگەن جاۋابىندا ول حامرو سۋۆانوۆ تاشكەنتتەن الماتىعا ۇشىپ كەلگەن كۇنى ول تارازدا بولعانىن اتاپ ءوتتى. كەيىننەن، راستالماعان دەرەكتەر بويىنشا، 9 -شىلدەدە وعان ميري پاز حابارلاسىپ، ونى لومباردقا اپارۋدى وتىنگەن. جول ۇستىندە ول ءىستىڭ جاي-جاپسارىن تۇسىنەدى. ونىڭ ايتۋىنشا، لومباردتا ميري پاز حامرو سۋۆانوۆقا بەرگەن بۇيىمداردىڭ بولىگى شىنىمەن دە كەپىلدە تۇرعانى انىقتالعان.
ودان ءارى ولار ميري پاز تۇراتىن ۇيگە دەيىن كەلىپ، ول سول جەرگە دوسى باقىت شالبايەۆتىڭ كەلۋىن وتىنەدى. ونىڭ ايتۋىنشا، بۇل حامرو سۋۆانوۆتى باسقا ادامداردىڭ تابا الماۋى، ونىمەن بەلگىلى ءبىر ۋاقىتقا دەيىن بىرگە بولا تۇرۋ ءۇشىن جاسالعان. ول شەشىمدى ءوزى قابىلداماعانىن ايتتى. بارلىق شەشىمدى ميري پاز قابىلدادى. سوسىن ول ينتەرنەت حابارلاماسى بويىنشا ءۇي جالداپ، جابىرلەنۋشىنى سول جەرگە الىپ كەلدى.
ميسيروۆتىڭ ايتۋىنشا، ۆاننا بولمەسىندە ول جابىرلەنۋشىگە كىسەن تاعادى. كىسەن مەن وتتىق- تاپانشانى ول الماتىدا كوك بازاردان ساتىپ العان. بۇل ۇيدە سۋۆانوۆ 4-5 كۇن بولادى. ميسيروۆ ءوزىن ادىلدىكتى جوعارى باعالايتىن ادام رەتىندە سيپاتتادى. سول ساتتە سۋۆانوۆا، ول الداعاندارى ءۇشىن ادامداردى جەك كورگەن، - دەدى. ولار ءبىر كەزدە زارداپ شەگۋشىنى جىبەرە سالعىلارى كەلدى، ول جاراقات العان ەدى، سوندىقتاندا ونى مۇنداي حالدە جىبەرگىلەرى كەلمەدى، دەپ اڭگىمەلەدى سوتتالۋشى ميسيروۆ.
ودان ءارى ولار قالادا پاتەر جالدادى، وندا سۋۆانوۆ كەيدە جالعىز ءوزى قالاتىن، يسلام ميسيروۆتىڭ سەندىرۋىنشە وعان سونداي كەزدە ايقايلاپ كومەككە شاقىرۋىنا بولاتىن ەدى. يسلام ميسيروۆتىڭ ايتۋىنشا، ول 6 -شىلدەدە باسقا قالادا بولعاندىقتان ادامدى ۇرلاۋدا كىناسىن مويىنداي المادى. ول سونىمەن قاتار، شالبايەۆ ونىڭ كەسىرىنەن وسىنداي جاعدايعا دۋشار بولعانىنا وكىنىش ءبىلدىردى. ميسيروۆتىڭ ايتۋىنشا، ميري پازعا حامرو سۋۆانوۆتى ۇرعانىن ايتپاعان. ول سونىمەن قاتار سۋۆانوۆ الدىندا ونى باس بوستاندىعىنان ايىرعانى ءۇشىن وكىنەدى جانە مامىلەگە كەلۋگە ۇمىتتەنەدى.
ودان ءارى باقىت شالبايەۆ كۋا بولدى، ول ليليا راحپەن بۇرىن تانىس بولماعانىن جانە ونىڭ پاتەرىنە كەلگەنگە دەيىن ميري پازدى دا بىلمەگەنىن ايتتى. ول ەشكىمدى ۇرلاماعانىن جانە حامرو سۋۆانوۆتى بوستاندىعىنان زاڭسىز ايىرعانىنا وكىنەدى. ودان ءارى ول زارداپ شەگۋشىدەن كەشىرىم سۇرادى، كەشىرۋىن ءوتىندى جانە مامىلەگە كەلۋگە شاقىردى. بۇدان سوڭ سوت سۋۆانوۆتىڭ اۋەجايعا ۇشىپ كەلۋىنىڭ ۆيدەوسىن، ونى پوليتسەيلەردىڭ بوساتقان ۆيدەوسىن كوردى. ەسكە سالا كەتسەك، كەشە سوتتا ايىپتالۋشىلار ليليا راح پەن ميري پازدان جاۋاپ الىندى. بۇعان دەيىن ليليا راحتىڭ ادۆوكاتى ايىپتالۋشىنىڭ بۇلتارتپاۋ شاراسىن دەنساۋلىعىنا بايلانىستى قاماۋدا ۇستاۋدان كەپىلگە اۋىستىرۋ تۋرالى ءوتىنىش بەرگەن، الايدا سوت بارلىق ايىپتالۋشىلاردىڭ تۇتقىنداۋ مەرزىمىن 2016 -جىلعى 15 -جەلتوقسانعا دەيىن ۇزارتتى.
ازىرگە وسى ءىس بويىنشا بارلىق ايىپتالۋشىلار ءوز كىنالەرىن مويىنداعان جوق. ەسكە سالساق، جابىرلەنۋشى حامرو سۋۆانوۆ سوت تالقىلاۋى بارىسىندا ونىڭ ۇرلانۋىنا ليليا راحتى كىناسىز دەپ سانايتىنىن ايتىپ، ونىڭ اتىنا تالاپ ارىزدان باس تارتقان. ونىڭ ايعاعىنا سايكەس، ۇرلاۋعا باسقا فيگۋرانتتار قاتىسقان. سوت وتىرىستارىنىڭ بىرىندە جابىرلەنۋشى حامرو سۋۆانوۆ ءوزىن ۇرلاعان كەزدەگى باسىنان كەشكەنىن بايانداپ بەرگەن، ونىڭ اياق- قولىن بايلاپ، اۋزىن سكوچپەن جاۋىپ تاستاعان. جابىرلەنۋشى حامرو سۋۆانوۆ ايىپتالۋشى ميري پاز قارىز مولشەرىن قانداي سەبەپپەن 1,2 ميلليون دوللارعا دەيىن باعالاعانىن تۇسىنە المايتىنىن جەتكىزدى. ول يزرايل ازاماتشاسى ميري پازعا قارىزعا 200 مىڭ دوللار بەرگەن. ودان جالپى قۇنى 200 مىڭ دوللاردان اساتىن باعالى اشەكەيلەر العان. ول زاتتاردى كەيىن لومباردقا تاپسىرعان. ليليا راحتان ساتۋعا 31 مىڭ دوللار تۇراتىن جۇزىك العان. جالپى سۋۆانوۆ راحقا 31 مىڭ دوللار جانە 1 ميلليون تەڭگە قارىز بولعان.
