قازاقستان بولاشاقتا ورتالىق ازيا ايماعىندا «حالال ورتالىعى» بولا الادى - دجامال بيدين
اڭگىمە بارىسىندا دجامال بيدين مالايزيا حالال يندۋسترياسى، ەكونوميكالىق ورلەۋدەگى جەتەكشى كومپونەنتتەردىڭ ءبىرى ەكەندىگىن اتاي كەلە، ينۆەستيتسيا ءۇشىن ەڭ تارتىمدى بولىپ قالا بەرەتىندىگىن جانە ەلدىڭ سىرتقى ساۋدا كولەمىن ارتتىرىپ وتىرعاندىعىن جەتكىزدى.
2016 -جىلى حالال ونىمدەردىڭ ەكسپورتىنىڭ كولەمى شامامەن 12,5 ميلليارد ا ق ش دوللارى بولادى، ال ونەركاسىپ ۇلەسى مالايزيادا ج ءى ءو- نىڭ %7,5 ىنا قۇرايدى دەپ كۇتىلۋدە. ەكونوميكانىڭ وسى سەگمەنتىن دامىتۋ وتكەن جىلى ەلدەگى شامامەن قوسىمشا 100000 جاڭا جۇمىس ورىندارىن قۇرۋعا مۇمكىندىك بەردى. 2015 -جىلى، الەمدە حالال ونىمدەردى تۇتىنۋدىڭ جالپى كولەمى الدىڭعى جىلمەن سالىستىرعاندا %9,5 عا ءوستى جانە شامامەن 2 تريلليون ا ق ش دوللارىن قۇراعان. سونىمەن بىرگە فارماتسيەۆتيكالىق جانە كوسمەتيكالىق، سونداي-اق جەكە كۇتىمگە ارنالعان حالال ستاندارتتى ونىمدەردى تۇتىنۋدىڭ الەمدىك كورسەتكىشى دە ارتقان. اتالمىش سەكتوردىڭ ورتاشا جىلدىق ءوسىمى الداعى جىلدارى %10,8 عا جەتەدى دەپ بولجانۋدا، ال جالپى كولەم 2019 -جىلدارى 3,7 تريلليون ا ق ش دوللارىنا جەتەدى. قازاقستاننىڭ وسى اتالعان يندۋستريانىڭ دامۋىنا ايتارلىقتاي الەۋەتى بار ەكەنى اتاپ ەتىلدى.
دجامال بيدين قازاقستان بولاشاقتا ورتالىق ازيا ايماعىنىڭ «حالالدىڭ حابى» بولا الاتىنىن اتاپ ءوتتى. ونىڭ پىكىرىنشە، ەكونوميكانىڭ كوپتەگەن سەكتورلارىن قامتيتىن ءتيىستى مەملەكەتتىك «ەكوجۇيەنى» قالىپتاستىرۋ بارىسىندا جۇيەلى تاسىلدەردى قولدانۋ وسى باعىتتى تابىستى دامىتۋعا نەگىز قالايدى. كەزدەسۋدىڭ قورىتىندىسى بويىنشا، حالال يندۋستريانى دامىتۋ كورپوراتسياسىنىڭ دەلەگاتسياسىن استاناعا جىبەرۋ تۋرالى كەلىسىمگە، سونداي- اق قازاقستاندا وسى باعىتتى دامىتۋ جول كارتاسىن جاساپ شىعارۋ بارىسىندا ق ر- دىڭ مەملەكەتتىك ورگاندارىنا كومەك كورسەتۋىنە قول جەتكىزىلدى.
