ەرىنشەك ەتىكشى - ەرتەگى

ەرىنشەك ەتىكشىنىڭ ءۇش ەشكىسى بار ەكەن. كۇن سۋىتىپ، قىس ءتۇسىپ كەلە جاتقانىن كورە تۇرا ەرىنشەك ەشقانداي قام جاساماپتى. ەشكىلەرىنە ازىقتىق جەم-ءشوپ جيناماپتى. ءبىر تۇندە بوران قار جاۋادى دا، جەردىڭ بەتىن اق كورپە بۇركەپ قالىپتى. ەشكىلەرى ەندى بۇرىنعىداي ورىستەپ جايىلا الماي، سۋىق قورادا ءبۇرىسىپ، دىردەكتەپ تۇرادى.

ەتىكشى، كەرەك دەسەڭ، سىرتقا شىعۋعا دا ەرىنىپ، ايەلىنە:

- بارىپ كورىپ كەلشى، ەشكىلەرگە نە بولىپ جاتىر ەكەن، - دەپ جۇمسايدى. ايەلى بارىپ كورىپ كەلەدى دە:

- ءبىر ەشكى ءولىپ قالىپتى، - دەيدى. سوندا ەرىنشەك:

- ە، مال ءىشى بولعان سوڭ، ءولىم-ءجىتىمى دە بولادى عوي، - دەپ جاتا بەرىپتى.

ەرتەڭىنە ەرىنشەك ەشكىلەردى كورىپ كەلۋگە ايەلىن تاعى جۇمسايدى.

- تاعى ءبىر ەشكى ءولىپ جاتىر، - دەپ كەلەدى ايەلى. ەرىنشەك كەلەسى جامباسىنا اۋناپ ءتۇسىپ:

- مال ءىشى بولعان سون، ولەدى دە، - دەيدى دە قويادى.

ءۇشىنشى كۇنى ەتىكشى ايەلىن «مالدى كورىپ كەل» دەپ تاعى دا جۇمسايدى. ايەلى جالعىز ەشكىنىڭ دە قاتىپ قالعانىن ايتىپ كەلەدى. سوندا ەتىكشى جانى جاي تاپقانداي، ءبىر اۋناپ ءتۇسىپ:

- بايبىشە، ءبىزدىڭ مالدىڭ ءولىمى وسىمەن تىيىلعان دا شىعار، - دەپتى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى