تۇركيادا ءىرى وپپوزيتسيالىق پارتيانىڭ كوشباسشىلارى ۇستالدى

پارتيا وكىلىنىڭ ايتۋىنشا، 4- قاراشادا، جۇماعا قاراعان ءتۇنى پوليتسيا پارتيانىڭ تەڭ ءتوراعاسى فيگەن يۋكسەداگدى ۇستادى، ونى ۇستاۋ كەزىندە ءۇيدىڭ ەسىگى سىندى. جارتى ساعاتتان سوڭ سەلاحاتتين دەميرتاش ۇستالدى، دەپ جازدى Lenta.ru.

دەميرتاش ءوزىنىڭ تۆيتتەرىنە: «ءۇيىمنىڭ الدىندا پوليتسيا تۇر، مەنى ۇستاعىسى كەلەتىن سياقتى»، دەپ جازدى. ازىرگە وقيعانىڭ قاي قالادا بولعانى بەلگىسىز. دەميرتاشتىڭ انكارا مەن كۇردتەردىڭ بەيرەسمي استاناسى ديارباكىردا ەكى ءۇيى بار. تەڭ توراعالارمەن ءبىر ۋاقىتتا HDP اتىنان سايلانعان تۇركيا پارلامەنتىنىڭ 14 دەپۋتاتى دا ۇستالدى.

ولاردىڭ اراسىندا زيا پير، گۋلسەر يىلدىرىم جانە تەڭ ءتوراعا ورىنباسارى سىررى سۋرەيا وندەر بار. پارتيا وكىلىنىڭ مالىمەتتەرىنە سۇيەنسەك، ۇستاۋ وپەراتسيالارى انكارا، ديارباكىر جانە مارديندە ءبىر مەزگىلدە ءجۇرىپ جاتىر.

كۇرد ساياساتكەرلەرى تۇركيا بيلىگىن يراك پەن سيريا اۋماعىندا «ي م» لاڭكەستىك توبىمەن ەمەس، كۇرد كۇشتەرىمەن كۇرەسىپ جاتىر دەپ بىرنەشە رەت ايىپتاعان بولاتىن. پرەزيدەنت رەجەپ تايىپ ەردوعان ءوز كەزەگىندە HDP پارتياسىن كۇردتەردىڭ قارۋلى جاساقتارىمەن بايلانىسى ءۇشىن سىناعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى