بايان ماقسات قىزى: ءارقايسىمىز ءوز جازامىزدى الدىق
ايتا كەتەيىك، سوت ەسەنتايەۆتى 9 جىلعا قاتاڭ رەجىمدەگى تۇرمەگە باس بوستاندىعىنان ايىرۋ تۋرالى ۇكىم شىعارعان بولاتىن.
«مەن كەشىرگەنمەن، زاڭ جۇمساقتىق تانىتپادى. ءومىر، ءبىزدىڭ تاعدىرىمىز، ونىڭ، مەنىڭ جانە ءبىزدىڭ تاعدىرىمىز وسىنداي بولدى. ورىن العان جايت، ءبىر-ءبىرىمىزدى تۇسىنە الماۋىمىز، بالالارىمىزدىڭ كوز جاسى، جىبەرگەن قاتەلىكتەرىمىز، ويلانباعان شەشىمدەرىمىز مەنىڭ جانىما اۋىر تيۋدە. سىنعا اسىرە نازار اۋدارۋعا، قوعامدىق پىكىرگە باياعىدا-اق ۇيرەنگەنمىن. ول ءار ۋاقىتتا دا ءبىر-بىرىنە قاراما- قايشى ەدى. ءبىزدىڭ دە قاراپايىم ادام ەكەندىگىمىزدى، ءبىزدىڭ ءارقايسىمىزدىڭ دا قاتەلىككە بوي الدىرۋعا قۇقىعىمىز بار ەكەندىگىن ەشكىم دە تۇسىنە الماس»، - دەپ جازادى ول.
سونىمەن قاتار بايان ماقسات قىزى باقىتبەك ەسەنبايەۆتىڭ قىزدارى ءۇشىن جاقسى اكە بولعاندىعىن اتاپ وتە كەلە زاڭنىڭ اتى زاڭ ەكەندىگىنە ايرىقشا نازار اۋدارعان.
«ازىرشە، مەن مۇنىڭ ومىرىمدە ورىن العان قاتەلىك ەكەندىگىن بىلمەيمىن. مۇنى ۋاقىت كورسەتەر. جۇرەكتىڭ دە اقىلعا كونبەس ءوز ءامىرى بار. ەكەۋىمىز ءۇشىن دە جاعداي وسىلاي ءوربىدى. ءبىزدىڭ ءارقايسىمىز ءوز جازامىزدى الدىق. زاڭ بارىنە دە بىردەي. بىرگە وتكىزگەن 22 جىل ارينە بارلىقتارىڭىزداعىداي ءارتۇرلى، جاقسى دا، جامانى دا بولدى. ونىڭ جاقسى اكە ەكەندىگىن نىق سەنىممەن ايتا الامىن. ماعان بالالاردى جالعىز تاربيەلەۋ وڭاي بولماس. ءبىراق، مەنىڭ بارلىعىنا دا شامام جەتەدى. مەن ەش ۋاقىتتا دا ءوزىمدى قۇربان جاننىڭ رولىندە ەسەپتەگەن ەمەسپىن. ءبىراق، بۇل مەنىڭ تاعدىرىم. مەنىڭ بۇرىنعى جۇبايىمنىڭ تاعدىرى وسىمەن تۇگەسپەگەندىگىنە دە سەنىمدىمىن. ول وتە مىقتى ادام. مەن وعان تەك دەنساۋلىق، شىدامدىلىق تىلەيمىن. الدا جاقسى ءومىردىڭ بولارىنا دا سەنىم بار. مەن بارلىعىن دا ايتتىم، ب ا ق وكىلدەرىنە ەندىگى ۋاقىتتا بۇل ماسەلەگە بايلانىستى مەنى الاڭداتپاۋىن سۇرايمىن»، - دەدى بايان ماقسات قىزى.
اۆتور: مارلان جيەمباي
