بايان ماقسات قىزى: اكەسىنىڭ ۇكىمىن ەستىگەن بالالارىم جىلاپ جاتىر

بۇل تۋرالى NewTimes.kz اگەنتتىگى حابارلايدى.

بايان ماقسات قىزىنىڭ سوت شەشىمىنەن كەيىن كوڭىل-كۇيى جوق.

«مەن قالاي پىكىر ايتامىن؟ مەنىڭ بالالارىم جىلاپ جاتىر»، - دەدى تەلەفون ارقىلى پروديۋسەر.

ەسكە سالساق، 3- قاراشا كۇنى سوت باقىتبەك ەسەنتايەۆتى توعىز جىلعا قاتاڭ رەجيمدەگى كولونيادا باس بوستاندىعىنان ايىردى. 10- ماۋسىم كۇنى قۇلجا تاسجولىنىڭ بويىندا بايان ەسەنتايەۆانى كۇيەۋى اۋىر سوققىعا جىعىپ، پىشاقتاپ تاستاعان بولاتىن.

بەلگىلى بولعانداي، باقىت ەسەنتايەۆ سول كۇنى ماس بولعان. ول ۋاقىتشا وقشاۋلاعىشقا قاماۋعا الىنىپ، قىلمىستىق كودەكستىڭ 99- بابى بويىنشا ايەلىن ولتىرمەك بولدى دەپ كۇدىكتەلگەن.

ەسەنتايەۆ ءوز كىناسىن مويىندادى. كوپ ۇزاماي بايان ماقسات قىزى ءوزىن سوققىعا جىققان كۇيەۋىن كەشىرگەنىن مالىمدەگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى