كۇلەكبايەۆ جازاسىن وتەيتىن تۇرمە تۋرالى نە بىلەمىز؟ - فوتو
ەرەكشە رەجيمدەگى ۋك-161/3 تۇزەتۋ مەكەمەسى «قارا بۇركىت» اتاۋىمەن تانىمال. ءولىم جازاسىنا كەسىلگەن رۋسلان كۇلەكبايەۆ جازاسىن وسى جەردە وتەيتىن بولادى. بۇل تۋرالى NUR. KZ پورتالى Voxpopuli.kz-كە سىلتەمە جاساپ حابارلايدى.
ازىرگە ءولىم جازاسىنا موراتوري بار بولعاندىقتان، الماتىدا ون ادامدى اتىپ ولتىرگەن كۇلەكبايەۆ اتالمىش تۇرمەدە ءومىرىنىڭ سوڭىنا دەيىن بولادى.
كولونيا جىتىقارادان 30 شاقىرىمدا ورنالاسقان. بارىنشا قاۋىپسىز ەتىپ قورشالعان تۇرمەنىڭ سىمدارىنا تۇندە توق جۇرگىزىلەدى. بۇل تۇرمەدەن قاشىپ كەتۋ مۇمكىن ەمەس.
تۇرمەنىڭ كىرەبەرىسىندە اعاشتان ويىلعان قارا بۇركىت بەينەلەنگەن. بۇل مەكەمەگە اۋىر قىلمىس جاساپ، ءومىر بويىنا باس بوستاندىعىنان ايىرىلعاندار تۇسەدى. ولار تۇرمەنىڭ ءۇش بولىگىنە ىرىكتەلەدى. ەڭ اۋىر قىلمىس جاساعاندار تۇرمەنىڭ «ەرەكشە» ايماعىنا قامالادى.
تۇرمەنىڭ «ەرەكشە» ايماعى
سوتتالۋشىنىڭ اس مازىرىنە كومپوت، كيسەل، شاي، ءسۇت، ايران، شۇجىق، ىرىمشىك جانە وزگە دە تاعامدار كىرەدى.
16 كامەرانىڭ ءارقايسىندا ادام ولتىرگەن ءۇش-ءتورت قىلمىسكەر جاتادى.
ءومىر بويىنا باس بوستاندىعىنان ايىرىلعاندار
سوتتالعاندار تۋىستارىمەن وسىنداي تەمىر توردا وتىرىپ كەزدەسە الادى
سوتتالىشۋلاردىڭ توسەگى، ۇستەلى، ورىندىقتارى، قول جۋعىشى مەن دارەتحاناسى تەمىردەن جاسالعان. ولار كۇنىنە ەكى ساعات تۇرمەنىڭ ىشكى اۋلاسىندا تازا اۋامەن تىنىستاي الادى.
ىشكى اۋلا
