شالبار ساتقان قازاقستاندىق ينجەنەر فوربەس رەيتينگىنە ەندى

الەمدەگى ەڭ باي ادامدار بۇگىندە جاڭا برەندتىڭ ونىمدەرىنە تاڭداۋ ءتۇسىرىپ جاتىر. نازيم پالتاشەۆ قازاقستاندا تۋىپ- وسكەن، ءبىراز ۋاقىت سانكت- پەتەربوردا تۇرعان جانە اكەسىنىڭ جۇمىسىنا بايلانىستى امەريكاعا كوشىپ كەتكەن. پالتاشەۆتىڭ نەگىزگى ماماندىعى - ينجەنەر، ءبىراق ول ءوزىن ءسان يندۋسترياسىنان تاپتى.



«ءوز بيزنەسىمدى قۇرعىم كەلگەن ءسان سالاسىندا دا ينجەنەر ماماندىعىم كومەگىن تيگىزىپ جاتىر. مەن تەك قانا دجينسىمەن اينالىسۋدى شەشتىم، سەبەبى بۇل - كرەمني القابىنداعى ەڭ تانىمال كيىم. مەنىڭ بۇكىل ءومىرىم كوشىپ- قونۋمەن ءوتتى، وتباسىم حالقىمىزدىڭ ءتىلى مەن مادەنيەتىن جانە وتانعا دەگەن ماحابباتتى ساقتاپ قالعىسى كەلدى. مەن قازاقستانداعى جىلجىمايتىن مۇلكىمدى ساتىپ، ءوز قاراجاتىما بيزنەس اشتىم»، - دەدى ينجەنەر. پالتاشەۆتىڭ ايتۋىنشا، قازىر شتاتتا 10 ادام جۇمىس ىستەيدى، ولاردىڭ اراسىندا ديزاينەرلەر، تەحنولوگتار، ءىستى ىلگەرى جىلجىتۋمەن اينالىساتىن ديرەكتورلار بار. كوماندا كىشىگىرىم بولعانىمەن، وتە تاجىريبەلى. سونداي-اق، برەندتى دامىتۋعا قوسالقى مەردىگەرلەر دە ءوز ۇلەسىن قوسۋدا. ءاربىر قىزمەتكەر شتاتقا قابىلداناردا كومپانيانىڭ ءبىر ۇلەسىن الادى، سونىمەن بىرگە ولارعا اي سايىن جالاقى تولەنىپ وتىرادى، ءتىپتى ارنايى ىنتالاندىرۋ باعدارلاماسى دا بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى