مانەرلەپ سىرعاناۋشى ەليزابەت تۇرسىنبايەۆا قاتىساتىن جارىس تىكەلەي ەفيردەن كورسەتىلەدى
اتالعان حالىقارالىق جارىسقا قازاقستاندىق مانەرلەپ سىرعاناۋشى ەليزابەت تۇرسىنبايەۆا قاتىسۋدى جوسپارلاۋدا. ونىڭ ونەرىن كورەرمەندەر «Kazsport» تەلەارناسىندا 4 -قاراشا كۇنى ساعات 23:25 تە جانە 5 -قاراشادا ساعات 22:35 تە تاماشالاي الادى، دەپ حابارلايدى قازاقپارات «قازاقستان» تەلەارناسىنىڭ ستراتەگيالىق ماركەتينگ دەپارتامەنتىنە سىلتەمە جاساپ.
ەسكە سالار بولساق، ەليزابەت بىلتىر «Skate America-2015» تۋرنيرىندە - ءتورتىنشى، «Skate Canada - 2015» باسەكەسىندە جەتىنشى ورىنعا يە بولعان ەدى. سونىمەن قاتار، تۇرسىنبايەۆا اعىمداعى جىلى نورۆەگيانىڭ ليللەحاممەر قالاسىندا وتكەن جاسوسپىرىمدەر اراسىنداعى وليمپيادانىڭ قولا جۇلدەگەرى. «Rostelecom Cup 2016» تۋرنيرى - بۇل 2016-2017 -ماۋسىمنىڭ مانەرلەپ سىرعاناۋ بويىنشا ISU گران- پريدىڭ ءۇشىنشى كەزەڭى. تۋرنير ۇيىمداستىرۋشىسى - ISU قولداۋىمەن رەسەيدىڭ مانەرلەپ سىرعاناۋ فەدەراتسياسى. جارىس ەرلەر مەن ايەلدەردىڭ جەكەلەي سىرعاناۋى، جۇپپەن سىرعاناۋ جانە مۇزدا بيلەۋ كاتەگوريالارى بويىنشا وتەدى.
