ادام تىرشىلىگىنىڭ جەتى كەزەڭى

ءومىر جالعاسا بەرەدى. ۋاقىت ەشقاشان ءبىر ورىندا تۇراقتامايدى. ءدال سول سەكىلدى ادام ءومىرىنىڭ دە بەلگىلى كەزەڭدەرى بار. ءسىز ادام تىرشىلىگىنىڭ 7 كەزەڭى جايلى بىلەسىز بە!

1. انا قۇرساعىنداعى شارانا كەز - الاڭسىز، بەيقام ءومىردىڭ ەڭ ءتاتتى تۇسى. سەن ومىرگە وكپە ارتپايسىڭ، ءومىر ساعان وكپە ارتپايدى.

2. جورگەكتەگى سابيلىك كەز - سەنى ەشكىم تۇسىنبەيدى، سەن ەشكىمگە الاڭدامايسىڭ. جۇپار يىسىڭە ەشتەڭە تەڭ كەلمەي، جورگەك توسەگىڭدە الاڭسىز تاعى ءبىر كەزەڭ وتەدى.

3. شاپقىلاپ جۇرەر بالالىق شاق - ەس كىرەدى. سۇرىنەسىڭ، قۇلايسىڭ. كەي جەردە وتىرىك جىلايسىڭ، كەي جەردە شىنايى جىلايسىڭ. بۇل كەزەڭدە دە سەن ەشكىمگە الاڭدامايسىڭ. سەن ءۇشىن اتا-انا الاڭدايدى.

4. جاستىق داۋرەن - البىرتتىقتىڭ اۋىلىنا كەلدىڭىز. سىزگە ءبارى جاراسادى. كوپ دۇنيە كەشىرىمدى. ويلاناسىز. وي سالاسىز. تاڭداۋ بەرىلەدى. مۇمكىندىكتەر پايدا بولادى.

5. موسقالدىق اسۋ - بىرەۋ ءۇشىن الاڭدايتىن كەزەڭ. ءوز باسىڭىزدى ەمەس، جاقىنىڭىزعا دا جان اشيتىن تۇس. اقىل توقتاتاسىز. بىرەۋ ءۇشىن ءومىر سۇرۋگە تولىقتاي كونەسىز.

6. ەگدەلىك بەلەس - كەلمەس كۇندى كوپ ويلايسىز. كەتكەن قاتەلىككە كوز جۇگىرتەسىز. تىنىمسىز ەڭبەكتى باعالايسىز. اقىل ايتۋعا بەيىمدەلەسىز.

7. كارىلىك ءتۇيىن - ۇرپاققا نە قالدىرعانىڭىزدى ويلايسىز. ءومىر سۇرۋدەگى ماقساتىڭىزدى تۇسىنەسىز. كەلەر ۇرپاق ءۇشىن الاڭدايسىز. قاتەلىكتەرگە وكىنەسىڭ.

كورىپ وتىرعاندارىڭىزداي ءار كەزەڭنىڭ ءوز قىزىعى بار. ءار ادامنىڭ ءوز داۋرەنى بار. قالاي ءومىر سۇرەسىز؟ نەنى تاڭدايسىز؟ قاي باعىت دۇرىس؟ كەز كەلگەن دۇنيەنى شەشۋگە تولىقتاي قۇقىلىسىز. ءومىر ءسۇرىڭىز، وكىنبەيتىندەي. ءار كەزەڭىڭىز كەلەر ۇرپاققا ونەگە بولارلىقتاي دۇنيەلەرگە تولى بولسىن!!!

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى