ساۋد ارابياسىنىڭ ەنەرگەتيكا ءمينيسترى مۇناي نارىعىن تۇراقتاندىرعىسى كەلەدى
بۇل تۋرالى قازاقپارات lenta.ru باسىلىمىنا سىلتەمە جاساپ حابارلايدى.
ونىڭ سوزىنشە، كەلىسسوزدەر قازىرگى تاڭدا و پ ە ك پەن وزگە دە مۇناي ءوندىرۋشى ەلدەر اراسىنداعى ءوزارا كەلىسىمدى ۇيلەستىرۋدەگى ماڭىزدى شارا بولىپ وتىر.
«بۇگىنگى كەزدەسۋ ساۋد ارابياسىنىڭ مۇناي نارىعىن رەتتەۋگە دەگەن ۇمتىلىسىن انىق بايقاتتى»، - دەدى ول.
ال- فاليح ماسكەۋ مەن ەر- ريادتىڭ مۇناي نارىعى ءۇشىن سەرپىلىس تۋدىراتىن ۇستانىم بىلدىرەتىندىگىنە سەنىم ارتادى.
ال- فاليح -10 - قازاندا مۇناي باررەلىنىڭ 2016 -جىلدىڭ سوڭىندا 60 دوللارعا جەتەتىنى تۋرالى بولجامىن ايتقان بولاتىن.
ساۋد ارابياسى ەنەرگيا تاسىمالداۋشىنى ءوندىرۋ ءىسىن تۇراقتاندىرۋ ىسىندە رەسەيلىكتەرگە ۇلكەن ءۇمىت ارتىپ وتىرعان كورىنەدى.
و پ ە ك ەلدەرى مۇنايدى ارتىق ءوندىرۋدى توقتاتۋدى 28- قىركۇيەككە جوسپارلاعان بولاتىن. كارتەل قاتىسۋشىلارى ءوندىرىس كولەمىن كۇنىنە 32,5 ميلليون باررەلدەن اسىرمايمىز دەگەن شەكتەۋ قويدى. سوڭعى شەشىم قاراشادا وتەتىن باسقوسۋدا قابىلدانادى.
